ముందు నుయ్యి.. వెనక గొయ్యి… జబర్దస్త్ షో ఎలా గట్టెక్కుతుందో.!!

బుల్లితెరపై ఖతర్నాక్ కామెడీ షో “జబర్దస్త్’ కు ఉన్న ప్రాధాన్యతని గురించి ప్రత్యేకించి చెప్పనవసరం లేదు. ఈ ఒక్క కామెడీ షో నుంచి తెలుగు తెరకు కి ఎంతమంది కమెడియన్లు వచ్చారనే విషయంప్రేక్షకులందరికీ తెలిసిందే.!ఈ షో ద్వారా వచ్చిన గుర్తింపుతో జబర్దస్త్ ఆర్టిస్ట్ లు తమ టాలెంట్‌తో వచ్చిన సినిమా ఆఫర్స్ ను బాగానే వాడుకుంటున్నారు. అయితే మెగా బ్రదర్ నాగబాబు ‘జబర్దస్త్” షో నుంచి “అదిరింది” షోలోకి షిఫ్ట్ అయ్యిన తర్వాత పరిస్థితులన్నీ తలకిందులైపోయాయి.

“జబర్దస్త్” షో కు ధీటుగా స్టార్ కమెడియన్లు చంద్ర, ఆర్పీ, ధన్‌రాజ్, వేణులను “అదిరింది” షోలోకి ప్రవేశపెట్టినప్పటికీ ‘అదిరింది షో’ కు ఆశించినంత స్థాయిలో రేటింగ్ మాత్రం రావట్లేదని టాక్ వినిపిస్తోంది. అలాగే దేశ వ్యాప్తంగా మంచి క్రేజ్ ను సంపాదించుకున్న రియాలిటీ షో “బిగ్‌బాస్ సీజన్ 4” కరోనా లాక్ డౌన్ తర్వాత సెప్టెంబరు 6న ప్రారంభమైన సంగతి తెలిసిందే. ప్రస్తుతం బిగ్ బాస్ తన మూడో వారం పూర్తి చేసుకోబో తుండగా ఇప్పటికే బిగ్ బాస్ హౌస్ నుంచి మొదటి వారం సూర్య కిరణ్ ఎలిమినేట్ కాగా.. రెండో వారం కరాటే కళ్యాణి బ్యాగ్ వెళ్ళిపోయింది. మరోవైపు వైల్డ్ కార్డు ద్వారా ముగ్గురు కంటెస్టెంట్లు బిగ్ బాస్ హౌస్ లోకి ఎంట్రీ ఇచ్చారు.

కవ్వించే భామల అందాల ఆరబోతతో బుల్లితెర ప్రేక్షకులని ఎంత అలరించాలని విశ్వ ప్రయత్నాలు చేస్తున్నా.. ఈ రియాలిటీ షోకు మొదటి వారం రికార్డు స్థాయిలో 18.5 హయ్యస్ట్ టీఆర్ఫీ రేటింగ్‌తో దూసుకుపోయిన బిగ్ బాస్ షో.. మూడో వారం చేరుకునేసరికి ఈసారి మాత్రం ఘోరంగా ఆ రేటింగ్స్ అన్నీ పడిపోయినట్టు తాజా సమాచారం. ఒక వైపు జబర్దస్త్ కామెడీ షో.. మరో వైపు క్రికెట్ లవర్స్ ఫేవరేట్ ఈవెంట్ ఐపీఎల్ 2020 వీటితోపాటుగా బిగ్ బాస్ షో ఒకే టైం లో ప్రసారం కావదమే ఇందుకు కారణమని తెలిసింది. అంతేకాకుండా మిగతా భాషల్లో కూడా బిగ్ బాస్ కొత్త సీజన్లు స్టార్ట్ అవుతుండటంతో తెలుగు బిగ్ బాస్ 4కు అనుకోని రూపంలో మరో షాక్ తగిలిందని చెప్పవచ్చు.

ఇదిలా ఉండగా.. ఒక వైపు బిగ్ బాస్.. మరోవైపు ఐపిఎల్ నుంచి పోటీ ఎదుర్కొంటూ కూడా తన సత్తాని చాటుకోడానికి అన్ని ప్రయత్నిస్తుంది జబర్దస్త్ కామెడీ షో. దీనికి తగ్గట్లుగానే ఈ షో టీం మెంబర్స్ స్కిట్స్ సిద్ధం చేసుకుంటున్నారు. ముఖ్యంగా ఈ షోలో కాంట్రవర్సీ టాపిక్స్ ఎక్కువగా ఉండేలా ప్లాన్ చేస్తున్నారు. మరి పోటాపోటీగా ఉన్న బిగ్ బాస్ సీజన్ 4 & ఐపిఎల్ నుంచి జబర్దస్త్ షో ఎలా రేటింగ్స్ ను రాబడుతుందో చూడాలి. ఎంతైనా ఐపీఎల్ 2020 టోర్నమెంట్ అటు బిగ్ బాస్‌ షోపై, ఇటు జబర్దస్త్ షోపై భారీ ఎఫెక్ట్ చూపించిందనే చెప్పాలి. ఐపీఎల్ లాంటి మెగా టోర్నీ ముందు బిగ్ బాస్ & జబర్దస్త్ షోలు నిలబడటాయో లేదో వారం వేచి చూడాల్సిందే.!