Jabardasth Anand: ఎట్టకేలకు లవ్ స్టోరీ బయటపెట్టిన అదుర్స్ ఆనంద్.. అప్పుడు పట్టుకున్న చెయ్యి ఇక వదలలేదు!

Jabardasth Anand:తెలుగు బుల్లితెరపై ప్రసారమవుతున్న జబర్దస్త్ కార్య క్రమం ఎంతోమంది కంటెస్టెంట్ లకు జీవితాన్ని ఇచ్చిందని చెప్పాలి. ఇలా ఒక పూట తిండి తినడానికి కూడా డబ్బులు లేని పరిస్థితులలో ఉన్న స్థాయి నుంచి నలుగురికి సహాయం చేసే స్థాయిలో ఉన్నారు. ఇలా జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న వారిలో అదుర్స్ ఆనంద్ ఒకరు.

ఈ విధంగా జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న ఆనందం తాజాగా సుమ వ్యాఖ్యాతగా వ్యవహరిస్తున్న క్యాష్ కార్యక్రమానికి తన భార్య మంజులతో కలిసి వచ్చారు. ఈ కార్యక్రమంలో భాగంగా ఆనంద్ ఎన్నో ఆసక్తికరమైన విషయాలను అభిమానులతో పంచుకున్నారు. ఈ క్రమంలోనే ఈ కార్యక్రమం ద్వారా తన లవ్ స్టోరీ కూడా బయటపెట్టారు.

మంజుల తనకు ఫేస్ బుక్ ద్వారా పరిచయం అయ్యిందని అయితే తను ఫ్రెండ్ గా అయితే నేను తనతో ఫ్రెండ్షిప్ చేస్తానని, ప్రేమ అంటే ఇంట్లో ఒప్పుకోరు అంటూ కండిషన్ పెట్టారు. మొదట్లో ప్రతి ఒక్క అమ్మాయి ఇలాగే అంటుందని తనని వదులుకోకుండా ప్రతిరోజు 50 రూపాయలు రీఛార్జ్ చేసి తనతో మాట్లాడుతూ ఉండేవాడిని. అలా తన స్నేహం ప్రేమగా మారింది.

జీవితంలో బాగా సెటిల్ అయ్యాను…

ఈ విధంగా మంజుల ఇటు నన్ను వదులుకోలేక అటు తల్లిదండ్రుల్ని వదులుకోలేక ఎంతో నలిగిపోయిందని, చివరికి నా పై ఉన్న ప్రేమను వదులుకోలేక బస్సు ఎక్కి నా దగ్గరకు వచ్చింది. అలా ఆ రోజు పట్టుకున్న తన చేయిని ఇప్పటివరకు వదలలేదని అదుర్స్ ఆనంద్ తెలిపారు.ఇక ప్రస్తుతం తన జీవితంలో బాగా సెటిల్ అయ్యానని పిల్ల పాపలతో ఎంతో సంతోషంగా ఉన్నట్లు ఈ సందర్భంగా అదుర్స్ ఆనంద్ వెల్లడించారు.