నాని అక్క సినిమా కోసం కాజల్ పాప..?

ఎలాంటి సినీ నేపథ్యం లేకున్నప్పటికీ సినిమా ఇండస్ట్రీలోకి అడుగుపెట్టి అసిస్టెంట్ డైరెక్టర్ గా కొనసాగి ఆ తర్వాత హీరోగా అడుగుపెట్టి ఎన్నో అద్భుతమైన సినిమాలలో నటించి మంచి గుర్తింపును సంపాదించుకున్న నాచురల్ స్టార్ నాని ప్రస్తుతం తెలుగులో వరుస అవకాశాలతో ఎంతో బిజీగా ఉన్నారు. ఈ క్రమంలోనే ఒకవైపు సినిమాలతో బిజీగా ఉండటం కాకుండా మరోవైపు నిర్మాతగా మారారు.

నాని నిర్మాతగా మారి ఎంతోమంది కొత్త వారికి ఇండస్ట్రీలో అవకాశాలు కల్పిస్తున్నారు. ఈ క్రమంలోనే తాజాగా నాని “మీట్‌ క్యూట్‌”అనే సినిమాను నిర్మించబోతున్నారు. ఇందులో సత్యరాజ్ ముఖ్య పాత్రలో నటించనున్నారు. అదేవిధంగా నాని నిర్మించబోయే ఈ సినిమాలో ఐదుగురు హీరోయిన్స్ ఉన్నారనే విషయం ఇదివరకే ప్రకటించారు. అయితే వారు ఎవరూ ఏంటి అనే విషయాలను ఇది వరకు తెలియజేయలేదు.

నాని నిర్మాతగా వ్యవహరిస్తున్న మీట్ క్యూట్ కి నాని అక్క దర్శకురాలిగా పరిచయం కాబోతున్నారు ఈ క్రమంలోనే ఈ సినిమాకు సంబంధించిన ఓ విషయం ప్రస్తుతం సోషల్ మీడియాలో వైరల్ గా మారింది. ఈ సినిమాలో భాగంగా ఐదుగురిలో ఒకరిగా కాజల్ అగర్వాల్ ను ఎంపిక చేసినట్లు తెలుస్తోంది.

ఈ క్రమంలోనే ఈ సినిమా కథను నాని కాజల్ అగర్వాల్ కు వివరించగా కథ నచ్చడంతో ఆమె కూడా ఈ సినిమాకు గ్రీన్ సిగ్నల్ ఇచ్చినట్టు తెలుస్తోంది అయితే ఈ విషయం గురించి చిత్రబృందం నుంచి అధికారిక ప్రకటన వెలువడాల్సి ఉంది. ఇకపోతే కాజల్ అగర్వాల్ మెగాస్టార్ చిరంజీవి “ఆచార్య” సినిమాలో నటిస్తున్న సంగతి మనకు తెలిసిందే.