Karate Kalyani: కరాటే కళ్యాణి పెద్దగా తెలుగు ప్రేక్షకులకు పరిచయం అక్కర లేని పేరు. ఈమధ్య వివాదాలతో కూడా ఫేమస్ అవుతోంది కరాటే కళ్యాణి. అనేక సినిమాల్లో క్యారెక్టర్ ఆర్టిస్టుగా చేసింది కరాటే కళ్యాణి. గత సీజన్ లో బిగ్ బాస్ షోలో కూడా పాల్గొంది.

ఆ సమయంలో కూడా వివాదాలకు కేరాఫ్ గా మారింది. బిగ్ బాస్ టీవీ షో పై కూడా పలు సంచలన వ్యాఖ్యలు చేసింది. అయితే ఇటు సినిమాతో తన కెరీర్ నిర్మించుకుంటూనే.. రాజకీయంగా యాక్టివ్ గా ఉంటుంది కరాటే కళ్యాణి.

బీజేపీ పార్టీలో ప్రస్తుతం ఈమె కొనసాగుతోంది. అయితే గతంలో హిందూ దేవతలు, దేవుళ్లపై కొందరు అనుచిత వ్యాఖ్యలు చేసిన సమయంలో గట్టిగానే రియాక్ట్ అయింది కళ్యాణి. బీజేపీ పార్టీలో ఫైర్ బ్రాండ్ గా ఎదిగే ప్రయత్నం చేస్తోంది.

ప్రాణభయం ఉంది..రక్షణ కల్పించండి..

తాజాగా కరాటే కళ్యాణి మరో వివాదంలో కూడా ఇరుక్కుంది. ఓ కేసు విషయంలో తనను చంపాలని ప్రయత్నిస్తున్నారంటూ… పోలీసులకు ఫిర్యాదు చేసింది. తన ప్రాణాలకు ముప్పు ఉందని, రక్షణ కల్పించాలని పోలీసులను ఆశ్రయించింది. శనివారం బంజారా హిల్స్ పోలీసులకు ఫిర్యాదు చేసింది. ఓ హత్య కేసులో సాక్ష్యాలు తారు మారు చేసిన ఘటనలో ప్రముఖ స్వచ్ఛంద సంస్థ కోట్ల రూపాయల నిధులను దుర్వినియోగం చేసిందని.. ఆ విషయాలు బయటపెడుతున్న క్రమంలో నాపై కక్ష కట్టి హతమార్చాలని చూస్తున్నారంటూ ఫిర్యాదులో పేర్కొంది. కరాటే కళ్యాణి ఫిర్యాదు స్వీకరించిన పోలీసులు.. ఈ విషయంపై విచారణ చేస్తామని వెల్లడించారు.