Karthika Deepam 2: ఘనంగా కార్తీకదీపం2 ప్రీ రిలీజ్ వేడుక.. టెలికాస్ట్ ఎప్పుడంటే?

Karthika Deepam 2: బుల్లితెర ప్రేక్షకులను అమితంగా ఆకట్టుకున్నటువంటి సీరియల్స్ లో కార్తీకదీపం సీరియల్ ఒకటని చెప్పాలి. ఈ సీరియల్ సుమారు 1500 ఎపిసోడ్స్ పూర్తిచేసుకుని ఎంతో మంచి సక్సెస్ అందుకుంది. ఇక ఈ సీరియల్ కి రెండు తెలుగు రాష్ట్రాలలో కూడా భారీ స్థాయిలో ఆదరణ లభించింది. ఇలా మంచి ఆదరణ లభించినటువంటి తరుణంలో కార్తీకదీపం 2 కూడా ప్రేక్షకుల ముందుకు రాబోతుంది.

సినిమాకు సీక్వెల్స్ వచ్చాయి కానీ ఇలా సీరియల్ కి కూడా సీక్వెల్ రావడం చూసి అందరూ ఆశ్చర్యపోతున్నారు. ఇకపోతే ఇప్పటివరకు సినిమాలకు మాత్రమే ప్రీ రిలీజ్ వేడుకలను నిర్వహించారు కానీ సీరియల్స్ చరిత్రలోనే మొదటిసారి కార్తీకదీపం 2 సీరియల్ ఫ్రీ రిలీజ్ వేడుకలు ఎంతో ఘనంగా జరిగాయి .ఈ వేడుకలలో భాగంగా డాక్టర్ బాబు పాత్రలో నటించినటువంటి నిరుపమ్, దీప పాత్రలో నటించిన ప్రేమి విశ్వనాథ్ హాజరై సందడి చేశారు.

ఇక ఈ కార్యక్రమంలో భాగంగా అభిమానులు డాక్టర్ బాబు వంటలక్క ఇద్దరికీ కూడా హారతులు ఇచ్చి వారి అభిమానాన్ని చాటుకున్నారు అనంతరం ఈ సీరియల్ గురించి వీరిద్దరూ మాట్లాడుతూ ఎన్నో విషయాలను వెల్లడించారు. ఇకపోతే ఈ కార్యక్రమంలో భాగంగా ఈ సీరియల్ ఎప్పుడు ప్రసారమవుతుంది ఏ సమయానికి వస్తుంది అనే విషయాలను కూడా వెల్లడించారు.

మార్చి 25న ప్రారంభం..
మార్చి 25వ తేదీ నుంచి ఈ సీరియల్ ప్రతిరోజు రాత్రి 8 గంటలకు ప్రసారమవుతుందని తెలిపారు. ఇలా సోమవారం నుంచి శనివారం వరకు ఈ సీరియల్ ప్రసారం కానుందని తెలియడంతో అభిమానులు కూడా సంతోషం వ్యక్తం చేశారు. ప్రస్తుతం ఈ వేడుకకు సంబంధించినటువంటి ఫోటోలు వైరల్ అవుతున్నాయి.