Komati Reddy Venkat reddy : బలగం సినిమా ఆరుసార్లు చూసా… సినిమా గురించి చెబుతూ ఎమోషనల్ అయిన కోమటిరెడ్డి వెంకట్ రెడ్డి….!

Komati Reddy venkat reddy : చిన్న సినిమాగా వచ్చి ప్రభంజనం సృష్టిస్తున్న బలగం సినిమాను పెద్ధ చిన్న తేడా లేకుండా ప్రతి ఒక్కరు ఆదరిస్తున్నారు. సినిమా చూసిన ప్రతి ఒక్కరు ఎమోషనల్ అవుతున్నారు. పల్లెల్లో జనాలను ఆకట్టుకుంటున్న ఈ సినిమా మరోవైపు సినిమా ప్రముఖులను అలాగే రాజకీయా ప్రముఖులను కూడా ఆకట్టుకుంటోంది. గ్రామాలలో సర్పంచ్ లు ఉప సర్పంచులే తెరలను ఏర్పాటు చేసి సినిమాను గ్రామం లోని వారందరు కలిసి చూసేలా ఏర్పాట్లు చేస్తున్నారు అలాంటి బలగం సినిమా గురించి తెలంగాణ ప్రదేశ్ కాంగ్రెస్ సీనియర్ లీడర్ కోమటి రెడ్డి వెంకట్ రెడ్డి మాట్లాడారు.

బలగం ఆరు సార్లు చూసాను….

బలగం సినిమా చిత్ర యూనిట్ కు ఆయన సన్మానం నిర్వహించారు. అలాగే సినిమా గురించి చెబుతూ సినిమా తాను ఆరు సార్లు చూసానని చెప్పారు. మరిచిపోతున్న కుటుంబ బంధాలను చక్కగా చూపించారని ఆస్తుల కోసం తల్లిదండ్రులను చంపే సంస్కృతికి నేటి సమాజం వస్తుండగా ఇలాంటి సినిమా మార్పును తేస్తోందని చెప్పారు. సినిమా చూసి ఇరవై ఏళ్లుగా భూ తాగధాలతో విడిపోయిన అన్నదమ్ములు కలిశారు మా నియోజకవర్గంలో అంటూ తెలిపారు.

ఇక సినిమా లో ముఖ్యంగా చివర్లో వచ్చే పాట చాలా మంది కుటుంబాలను కదిలించిందని తెలిపారు. అందుకే ఆ పాట అంత అద్భుతంగా పాడిన కొమరమ్మా ,మొగిలయ్య లను అభినందిస్తూ అలాగే మొగిలయ్యకు అనారోగ్య సమస్యలు ఉన్నందున కిడ్నీ డయాలసిస్ కి సంబంధించిన చికిత్సల కోసం ప్రతీక్ ఫౌండేషన్ ఆధ్వర్యంలో రెండు లక్షలు ఇవ్వడంతో పాటు చికిత్స ఉచితంగా ఇచ్చేలాగా ఏర్పాట్లు చేస్తున్నట్లు తెలిపారు. అలాగే కొమరమ్మ కు ఆర్థిక సహాయం చేసినట్లు కోమటిరడ్డి వేంకటరెడ్డి గారు తెలిపారు.