పవన్ కళ్యాణ్ గురించి ఆసక్తికరమైన వ్యాఖ్యలు చేసిన.. నటుడు కోట శ్రీనివాసరావు..!

తెలుగు సినిమా ఇండస్ట్రీలో కొన్ని దశాబ్దాల కాలం నుంచి ఒక అద్భుతమైన నటుడిగా, కమెడియన్ గా, విలన్ పాత్రలలో ఎంతో అద్భుతంగా నటించి అందరిని మెప్పించిన నటుడు కోటశ్రీనివాస రావు గురించి ప్రత్యేకంగా చెప్పాల్సిన పనిలేదు. ఈయన అద్భుతమైన నటనకు పద్మ శ్రీ పురస్కారం కూడా లభించింది. ఇలా ఎన్నో అద్భుతమైన సినిమాలలో స్టార్ హీరోలందరి సరసన నటించిన నటుడు కోట శ్రీనివాసరావు ప్రస్తుతం ఇంటికి పరిమితమయ్యారు.

కోట శ్రీనివాస్ రావుకు వయసు పైబడటంతో అతనికి ప్రస్తుతం ఏ విధమైనటువంటి అవకాశాలు లేక ఇంటికే పరిమితమయ్యారు. ఈ క్రమంలోనే కోటశ్రీనివాస్ రావు ఓ ఇంటర్వ్యూ సందర్భంగా తన గురించి పలు ఆసక్తికరమైన విషయాలను వెల్లడించారు. ఈ క్రమంలోనే తనకు వయస్సు పైబడిన నటించాలనే కోరిక ఉందని, వయసు పైబడితే కేవలం వళ్ళు నొప్పులు వంటివి రావడం సర్వసాధారణమేనని అయితే తనకు నటించాలనే కోరిక ఇప్పటికి ఉందని ఈ సందర్భంగా వెల్లడించారు.

ఈ క్రమంలోనే సినిమా అవకాశాల కోసం పవన్ కళ్యాణ్, చిరంజీవి, త్రివిక్రమ్ శ్రీనివాస్ వంటివారిని సినిమాలలో అవకాశం ఇవ్వమని అడిగానని తెలిపారు. ఇలా అవకాశాలు ఇవ్వమని అడగడం తన దృష్టిలో ఏ మాత్రం తప్పు కాదని ఒక నటుడిగా తనకు అవకాశాలు ఇవ్వమని అడగడం తన దృష్టిలో తప్పు కాదని తెలియజేశారు.

ఈ క్రమంలోనే పవర్ స్టార్ పవన్ కళ్యాణ్ క్రిష్ దర్శకత్వంలో తెరకెక్కుతున్న సినిమా కోసం తనని తీసుకున్నారని.. ఇలా ఈ వయసులో కూడా సినిమా అవకాశాలను అడిగిన వెంటనే పవన్ కళ్యాణ్ గారు తన సినిమాలో తనకు ఆఫర్ ఇచ్చారని ఈ సందర్భంగా పవన్ కళ్యాణ్ గురించి కోట శ్రీనివాసరావు ఆసక్తికరమైన వ్యాఖ్యలు చేశారు.