Krishna Vamsi : ఎమోషనల్ ఫ్యామిలీ డ్రామా అయినా లేక సోషల్ మెసేజ్ అయినా కృష్ణ వంశీ టేకింగ్ డిఫరెంట్ గా ఉంటుంది. రామ్ గోపాల్ వర్మ శిష్యుడైన కృష్ణ వంశీ గులాబీ, సింధూరం, సముద్రం, అంతఃపురం, నిన్నేపెళ్లాడతా, మురారి వంటి సినిమాలతో తెలుగు ప్రేక్షకులకు నచ్చారు. ఖడ్గం వంటి సినిమా అయినా మొగుడు వంటి ఫ్యామిలీ డ్రామా అయినా కృష్ణ వంశీ స్టైల్ డిఫరెంట్. కానీ ప్రస్తుతం చాలా గ్యాప్ తరువాత కృష్ణ వంశీ ‘రంగ మార్తాండ’ సినిమాతో వచ్చి ఒక ఫీల్ గుడ్ సినిమా అనిపించుకున్నాడు.
ప్రభాస్ కి ఆ పాత్ర సూట్ అవ్వదు అంటే వినలేదు…
చాలా గ్యాప్ తరువాత సినిమా చేస్తున్న కృష్ణ వంశీ మళ్ళీ ఇంటర్వ్యూలతో బిజీ అయ్యారు. అలా తన ముందు సినిమాలకు సంబంధించిన విషయాలను పంచుకున్నారు. ప్రభాస్, కృష్ణ వంశీ కాంబినేషన్ లో వచ్చిన ‘చక్రం’ సినిమా డిజాస్టర్ అయింది, ప్రభాస్ అభిమానులకు సైతం ప్రభాస్ ఆ సినిమాలో నచ్చలేదు. ఇక ఆ సినిమా విషయంలో జరిగిన ఆసక్తికర అంశాలను కృష్ణ వంశీ పంచుకున్నారు. ప్రభాస్ తో సినిమా చేయాలని అనుకున్నపుడు ప్రభాస్ తో యాక్షన్ సినిమా చేయాలని అనుకున్నా, తనకు అలాంటివి సెట్ అవుతాయని అలా అనుకున్నా.
కానీ తాను మాత్రం డిఫరెంట్ సినిమా చేయాలనుకుంటున్నట్లు నాతో చెప్పాడు. యాక్షన్ వద్దు అంటూ చెప్పాడు. కల్ హో నా హో తరహా సినిమా చేద్దామని అనగా నేను వద్దన్నాను, మీకు సెట్ అవ్వదు అని చెప్పినా వినలేదు. నాకు అన్ని రకాల పాత్రలు చేయాలని ఉంది అంటూ చక్రం కథ చెప్పగా ఓకే చేసాడు. ప్రభాస్ అభిమానులకు నచ్చదేమో అని కొంచెం యాక్షన్ సన్నివేశాలు కూడా పెట్టాము కానీ సినిమా సరిగా ఆడలేదు అంటూ అప్పటి విషయాలను చెప్పారు.