Lyric Writer Sirasri : యండమూరి చెప్పినట్లు చంద్రబోస్ రాసింది తప్పేనా?? వాల్తేరు వీరయ్య సాంగ్ లో లిరిక్స్ కి అర్థం అదే…: పాటల రచయిత సిరాశ్రీ

Lyric Writer Sirasri : మెగాస్టార్ చిరంజీవి లేటెస్ట్ సినిమా వాల్తేరు వీరయ్య సినిమాలోని టైటిల్ సాంగ్ విడుదల అయిన తరువాత ఆ సినిమాలోని లిరిక్స్ మీద చర్చలు జరుగుతున్నాయి. అందులో శివ దూషణ జరిగిందంటూ కొంతమంది విమర్శలు చేయడంతో చర్చకు దారితీసింది. అసలు వివాదం ఎలా మొదలయింది, యండమూరి వీరేంద్రనాథ్ మధ్యలో ఎలా వివాదంలోకి వచ్చారు అన్న విషయాలను పాటల రచయిత సిరా శ్రీ వివరించారు.

యండమూరి చెప్పినదేమిటి, వివాదం ఎందుకు…

సిరా శ్రీ పాటలోని ఒక్కో వాఖ్యం గురించి మాట్లాడుతూ పాటలో చంద్రబోస్ గారు విరుద్ధ భాషాలంకార ప్రయోగాన్ని చేసారంటూ తెలిపారు. అందుకే రెండు విరుద్ధమైన విషయాలను ఒకే వాఖ్యంలో జప్పించి హీరోను వర్ణించారని, ఇలా ఇంతకు ముందు కూడా కవులు చేసారంటూ తెలిపారు. ఇక పాటలో తిమిర నేత్రుడై త్రినేత్రుడై అనే పదాలు ఇప్పుడు చర్చకు దారితీసాయి అంటూ చెప్పారు. తిమిర నేత్రుడు అనగా చూడలేనివాడు, చీకటి కన్ను కలవాడు అనే అర్థం వస్తుందని సిరా శ్రీ చెప్పారు. ఇంతకు ముందు నారాయణ రెడ్డి గారు ఒక పాటలో తిమిర నేత్రుడు అనే పదం ధృతరాస్ట్రుడి గురించి వార్ణించడానికి అతనికి కన్నులు లేవని చెప్పే వర్ణనలో వాడారు.

ఇక్కడ తిమర నేత్రుడై అయిన త్రినేత్రుడై అన్న ప్రయోగంలో వాడారు చంద్రబోస్. అంటే చీకటి కన్నుల వాడైనా త్రినేత్రుడిలాగ అన్నీ చూడగలడు అనే అర్ధంలో హీరోని వర్ణించారు అందులో తప్పు లేదు, ఇందులో శివ దూషణ లేదంటూ చెప్పారు సిరా శ్రీ. ఇక యండమూరి గారు వేరొకరి పోస్ట్ ను రీ పోస్ట్ చేస్తూ అర్థం వివరించామని అడిగారే కానీ ఆయన వివాదానికి తెరలేపలేదని క్లారిటీ ఇచ్చారు సిరా శ్రీ.