Mahesh Babu: కల్కి సినిమాపై ప్రశంసల వర్షం కురిపించిన మహేష్.. ప్రతి ఫ్రేమ్‌ కళాఖండం అంటూ?

Mahesh Babu: టాలీవుడ్ సూపర్ స్టార్ మహేష్ బాబు తాజాగా ప్రభాస్ హీరోగా నటించిన కల్కి సినిమాపై ప్రశంసల వర్షం కురిపించారు. పాన్ ఇండియా స్టార్ హీరో ప్రభాస్ నటించిన ఈ చిత్రం అద్భుతమైన విజయాన్ని సొంతం చేసుకుంది. డైరెక్టర్ నాగ్ అశ్విన్ దర్శకత్వంలో వైజయంతి మూవీస్ బ్యానర్ లో ప్రేక్షకుల ముందుకు వచ్చిన ఈ చిత్రం సంచలనమైన విజయాన్ని అందుకుంది.

ఇక ఈ సినిమా మంచి సక్సెస్ కావడంతో ఇప్పటికే ఎంతోమంది సినీ స్టార్స్ అందరూ కూడా ఈ సినిమాపై ప్రశంసల వర్షం కురిపిస్తూ సోషల్ మీడియా వేదికగా పోస్టులు చేశారు. అయితే తాజాగా ఈ సినిమాని సూపర్ స్టార్ మహేష్ బాబు కూడా చూశారని తెలుస్తుంది. ఈ సినిమా చూసిన తర్వాత మహేష్ బాబు సోషల్ మీడియా వేదికగా చేసిన పోస్ట్ వైరల్ అవుతుంది.

కల్కి ఓ అద్భుతం.. జస్ట్‌ వావ్‌. నాగ్‌ అశ్విన్‌ విజన్‌కు హ్యాట్సాఫ్‌ చెప్పాల్సిందే. లోని ప్రతి ఫ్రేమ్‌ కళాఖండంలా ఉంది. అమితాబ్‌ బచ్చన్‌ స్క్రీన్‌ ప్రజెన్స్‌కు ఎవరూ సరితూగరు. కమల్‌ హాసన్‌ ప్రతి పాత్రకు ప్రాణం పోస్తారు. ప్రభాస్‌ గొప్ప క్యారెక్టర్‌లో చాలా సులభంగా నటించారు. ఇక దీపిక ఎప్పటిలాగే అద్భుతంగా నటించింది. ఇంతటి అద్భుత విజయాన్ని సొంతం చేసుకున్న వైజయంతీ మూవీస్‌కు అభినందనలు అంటూ ఈయన సోషల్ మీడియా వేదికగా చేసిన పోస్ట్ వైరల్ అవుతుంది.

కల్కి ఓ అద్భుతం…

ఈ విధంగా మహేష్ బాబు ఈ సినిమా గురించి చేసిన ఈ పోస్ట్ పై డైరెక్టర్ నాగ్ అశ్విన్ స్పందించారు.మీ అభినందనలు అందుకోవడం మా టీమ్‌కు ఆనందంగా ఉంది అని రిప్లై ఇచ్చారు. అలాగే కల్కి నిర్మాణ సంస్థ వైజయంతీ మూవీస్ కూడా మహేశ్‌కు ప్రత్యేక అభినందనలు తెలిపింది . ఇక మహేష్ బాబు ప్రస్తుతం రాజమౌళి సినిమా పనులలో బిజీగా ఉన్న సంగతి తెలిసిందే.