పెళ్ళిలో వధువు గౌనులోకి దూరిన వ్యక్తి.. చివరికి?

సాధారణంగా పెళ్లి అంటే వధువు వరుడు ఎంతో అందంగా ముస్తాబు అవుతారు.పెళ్లికి వచ్చిన అతిథుల దృష్టి వారి పైనే ఉండాలనే ఉద్దేశంతో వారి దుస్తుల విషయంలో ఎంతో జాగ్రత్తలు తీసుకుంటారు. ఈ విధంగా పెళ్లి వేడుక కోసం కొందరు ప్రత్యేకంగా బట్టలను డిజైన్ చేయించుకుంటారు. ఈ విధంగా ఓ వధువు తన పెళ్లి కోసం అందమైన గౌను ధరించి బుట్ట బొమ్మలా తయారయింది. ఈ విధంగా వధువు తయారయ్యే వేదిక దగ్గరకు రాగానే వరుడు ఆమె చేతిని పట్టుకొని వేదికపైకి వెళ్తున్న సమయంలో ఆమె గౌను నుంచి ఓ వ్యక్తి బయటకు వెళ్ళిన ఘటన ఫిలిప్పీన్స్‌లో చోటు చేసుకుంది. ఈ విధంగా వధువు గౌనులో నుంచి వ్యక్తి బయటికి రావడంతో అక్కడున్న బంధువులందరూ ఎంతో ఆశ్చర్యపోయారు. చివరికి అసలు విషయం తెలుసుకొని అందరూ నవ్వుకున్నారు. ఇంతకీ ఏం జరిగిందంటే…

ఫిలిప్పీన్స్‌లో జరిగిన పెళ్లిలో ఈ వింత ఘటన చోటు చేసుకుంది. రోయల్ లునేసా అనే వ్యక్తి ‘బ్రోస్ బ్రైడల్ గౌన్స్ అండ్ ఇవెంట్స్’లో పని చేస్తున్నాడు. తాజాగా ఈ సంస్థ వధువుకు పెళ్లి గౌను డిజైన్ చేశారు. ఈ క్రమంలోనే వధువు పెళ్లిరోజు ఆ గౌను ధరించింది. అయితే పెళ్లి రోజు ఈదురు గాలులు అధికంగా ఉండడంతో ఆ గౌను మాటిమాటికి పైకి లేస్తోంది. ఈ క్రమంలోనే ఎన్నోసార్లు ఆమె డ్రెస్సును సర్దినప్పటికీ ఎలాంటి ఫలితం లేకుండా పోయింది.

ఈ క్రమంలోనే వధువు గౌను డిజైన్ చేసిన రోయల్ అనే వ్యక్తి లాభం లేదని భావించి వధువు గౌనులోకి దూరతానని చెప్పాడు. ఈ విధంగా రోయల్ చెప్పడంతో అక్కడున్న వారు ఎంతో షాక్ అయ్యారు. ఈ విషయం విన్న వధువు కూడా ఎంతో ఇబ్బందిగా ఫీల్ అయింది. అయితే బంధువుల ముందు గాలికి గౌను పైకి లేవడం కంటే తాను గౌను లోపల ఉండి గాలికి లేవకుండా జాగ్రత్త పడటం ఉత్తమమని భావించడంతో వారి కుటుంబ సభ్యులు కూడా ఇందుకు ఒప్పుకున్నారు.

ఈ విధంగా వధువు తన తల్లిదండ్రులతో కలిసి వేదిక వద్దకు చేరుకున్న సమయంలో రోయల్ గౌను లోపల ఉండి అది గాలికి ఎగరకుండా, వధువు కాళ్లకు అడ్డురాకుండా సహాయపడుతున్నాడు.ఇక చివరికి వధువు వేదిక వద్దకు చేరుకోగానే తన చేతిని పట్టుకుని వేదిక పైకి తీసుకువెళ్తున్న సమయంలో రోయల్ గౌను నుంచి బయటకు రాగానే అక్కడున్న వారందరూ ఎంతో షాక్ అయ్యారు. ఈ విధంగా అతను గౌను నుంచి బయటకు రావడం కెమెరాల్లో రికార్డు కావడంతో ఈ వీడియో కాస్త క్షణాలలో వైరల్ గా మారింది. ఈ సందర్భంగా అతను మాట్లాడుతూ గాలికి గౌను పైకి లేవటం వల్లే తను ఈ విధంగా గౌనులోకి దూరి తనకు సహాయపడాలి అని తెలిపారు. అయితే వధువు లోపల మరొక డ్రెస్ వేసుకోవడం వల్ల తనకు ఎలాంటి ఇబ్బంది కలగలేదని రోయల్ చెప్పడంతో అక్కడున్న వారందరూ నవ్వుకున్నారు.ప్రస్తుతం ఈ వీడియో సోషల్ మీడియాలో వైరల్ గా మారింది.