భార్యకు మళ్లీ ప్రపోజ్ చేసిన భర్త.. తనకు పెళ్లయ్యిందని మర్చిపోయి?

ప్రతి ఒక్కరి జీవితంలోనూ పెళ్లి అనేది ఎంతో అపురూపమైన వేడుక. ఈ వివాహ వేడుక ద్వారా ఇద్దరి జీవితాలు మూడుముళ్ల బంధంతో ఒకటవుతారు. ఈ విధంగా మూడుముళ్ల బంధం ద్వారా ఒకటైన ఈ జంట తాను జీవితాంతం ఒకరికి ఒకరు తోడుగా ఉంటామని, ఎలాంటి కష్ట సుఖాలలో అయినా పాలుపంచుకుంటామని వరుడు అగ్ని సాక్షిగా ప్రమాణం చేసి వధువు మెడలో తాళి కడతాడు. ఈ విధంగా వివాహం జరిగిన తర్వాత భార్య భర్తల జీవితం ఎంతో అన్యోన్యంగా ఉండాలంటే ఒకరినొకరు అర్థం చేసుకుంటూ జీవితంలో ముందుకు సాగిపోవాలి.

ఈ నేపథ్యంలోనే అమెరికాకు చెందిన ఓ జంట విషయంలో మాత్రం ఇలా జరగలేదు. పెళ్లి చేసుకున్న తర్వాత తన భర్త ఒక ఒక వింత వ్యాధితో బాధపడుతున్నాడు. ఈ వ్యాధి కారణంగా తాను మూడు ముళ్లు వేసిన భార్యని గుర్తు పట్టలేకపోయాడు. అసలు తనకు పెళ్లి జరిగిందనే విషయాన్ని కూడా మరిచిపోయాడు. కానీ ఇక్కడే ఒక అద్భుతమైన ట్విస్ట్ ఉంది. తనకి పెళ్ళి జరిగిందనే విషయం మర్చిపోయిన ఆ వ్యక్తి తిరిగి తన భార్యకే లవ్ ప్రపోస్ చేయడం గమనార్హం.

మతిమరుపు వ్యాధితో బాధ పడుతున్న ఆ వ్యక్తి తన జ్ఞాపక శక్తిని కోల్పోయిన తన భార్య పై ఉన్న ప్రేమ ఏమాత్రం తగ్గలేదని నిరూపించుకున్నాడు. తన భార్యను గుర్తుపట్టలేని స్థాయిలో ఉన్నప్పటికీ తిరిగి తనని నన్ను పెళ్లి చేసుకుంటావా ?అని అడగడంతో అందుకు ఆ మహిళ ఎస్ అని చెప్పిన ఘటన అమెరికాలోని కనెక్టికట్‌లో చోటుచేసుకుంది. 56 ఏళ్ల పీటర్ మార్షల్ పన్నెండేళ్ల కిందట లీసాను పెళ్లి చేసుకున్నాడు. అయితే, పెళ్లయిన కొన్నేళ్లలోనే అతడు మతిమరుపు వ్యాధితో బాధపడ్డాడు.

ఈ క్రమంలోనే లీసా తన భర్తకు గతం గుర్తు చేయడానికి తనకు పెళ్లి జరిగిన సమయంలో తీసిన వీడియోను చూపించింది. అయినప్పటికీ తనకి గతం ఏ మాత్రం గుర్తుకు రాకపోగా మనం ఈటీవీలో మాదిరిగానే పెళ్లి చేసుకుందామా అని అడగగా అందుకు పీటర్ ఒప్పుకొన్నారు. ఈ విధంగా తన జీవితంలో రెండో సారి తన భర్తతోనే వివాహం చేసుకోవడం తనకెంతో ఆనందంగా ఉందని, వీరి పెళ్లిని తన కూతురి దగ్గరుండి ఎంతో ఘనంగా జరిపించింది. ఈ విధంగా పీటర్ పెళ్లికి ఒప్పుకోవడంతో అతడు జ్ఞాపకశక్తిని కోల్పోయినా తన మీద ప్రేమ తగ్గలేదని, ఇప్పటికే అతడికి తానంటేనే ఇష్టమని ఆమె మురిసిపోయింది.