Manchu Manoj: డబ్బులు తీసుకొని వారికి ఓటు వేయద్దు.. వారికి మాత్రమే వేయండి: మనోజ్

Manchu Manoj: మంచు మనోజ్ పరిచయం అవసరం లేని పేరు మోహన్ బాబు వారసుడిగా ఇండస్ట్రీలో కొనసాగుతూ ఉన్నటువంటి మంచు మనోజ్ తాజాగా తన తండ్రి పుట్టిన రోజు సందర్భంగా తిరుపతిలోని మోహన్ బాబు యూనివర్సిటీలో పెద్ద ఎత్తున వేడుకలను నిర్వహించారు. ఈ కార్యక్రమంలో భాగంగా మంచు మనోజ్ మాట్లాడుతూ ఓటు హక్కు గురించి అవగాహన కల్పించారు.

ప్రస్తుతం రెండు తెలుగు రాష్ట్రాలలో కూడా ఎన్నికల హడావిడి కొనసాగుతున్న సంగతి మనకు తెలిసిందే. ఈ క్రమంలోనే ఓటు ఎవరికి వేయాలనే విషయం గురించి మనోజ్ మాట్లాడుతూ పలు విషయాలు వెల్లడించారు. ప్రతి ఒక్కరూ ఓటు వేసేటప్పుడు ఈ విషయాలను గుర్తు పెట్టుకోండి మీరు ఓటు వేసే నాయకుడు అందరితో కలిసి ముందుకు వెళుతున్నాడా? దారుణాలకు పాల్పడుతున్నారా అనే విషయాలను గుర్తు పెట్టుకొని ఓటు హక్కు వినియోగించుకోవాలని తెలిపారు.

మనం ఎన్నుకొని నాయకుడు ఎప్పుడు కూడా మనకు అండగా నిలబడాలి పేదలకు సహాయం చేయాలి అందరితో పాటు కలిసి ముందుకు వెళ్లాలి ఇలాంటి వారికే ఓటు వేయాలి. అయితే డబ్బులు ఇచ్చారని దారుణాలకు పాల్పడుతున్నటువంటి వారికి మాత్రం ఓటు వేయద్దు. ఎవరైతే రాష్ట్రాన్ని సురక్షితంగా పరిపాలిస్తారో అలాంటి వారికే ఓటు వేయాలంటూ ఈయన పిలుపు ఇచ్చారు.

అందరితో కలసి ముందుకు వెళ్తున్నారా..
ఈ విధంగా మనోజ్ ఓటు హక్కు వినియోగించుకోవడం గురించి చేసినటువంటి ఈ కామెంట్స్ వైరల్ అవుతున్నాయి ఎవరికి మద్దతు తెలుపుతున్నారు అనే విషయాలు మాత్రం తెలియడం లేదు తన తండ్రి గతంలో వైసిపి పార్టీకి మద్దతు తెలిపారు .కానీ ఇప్పుడు భూమా మౌనిక రెడ్డిని పెళ్లి చేసుకోవడమే కాకుండా ఇటీవల చంద్రబాబు నాయుడుని కలవడంతో ఈయన టిడిపికే మద్దతు తెలుపుతున్నారంటూ కూడా పలువురు భావిస్తున్నారు.