Manchu Manoj: చీకట్లు కమ్ముకున్నప్పుడు మౌనిక అనే ఓ వెలుతురు కనిపించింది.. మనోజ్ వ్యాఖ్యలకు కంటతడి పెట్టుకున్న మౌనిక!

Manchu Manoj: మంచు మనోజ్ తాజాగా భూమ మౌనికను రెండవ వివాహం చేసుకున్న విషయం మనకు తెలిసిందే. ఇలా వివాహం తర్వాత ఈ జంట మొదటిసారి మోహన్ బాబు పుట్టినరోజు సందర్భంగా తిరుపతిలోని శ్రీ విద్యానికేతన్ విద్యాసంస్థలను సందర్శించారు.ఇలా విద్యానికేతన్ సంస్థలకు వెళ్ళినటువంటి ఈ దంపతులకు విద్యార్థుల నుంచి ఘన స్వాగతం లభించింది.

ఇక మోహన్ బాబు పుట్టినరోజు సందర్భంగా అక్కడ విద్యార్థులతో మంచు మనోజ్ మాట్లాడుతూ పలు విషయాలను వెల్లడించారు.జీవితంలో ప్రతి ఒక్కరికి గెలుపు ఓటములు రావడం సర్వసాధారణం అయితే మన ప్రయాణంలో మనం ప్రతిదానిని అనుభూతి చెందాలని తెలిపారు.ఇక తన జీవితంలో కూడా ఇలాంటి ఓ గడ్డు పరిస్థితి వచ్చింది ఇలా జీవితం మొత్తం చీకటి కమ్ముకున్నప్పుడు నాకు ఓ వెలుతురు కనిపించింది.
ఆ వెలుతురు పేరే మౌనిక.

ఇక తనకు సినిమాలు చేయడం సామాజిక సేవ చేయడం అంటే ఎంతో ఇష్టం గత ఆరు సంవత్సరాలుగా నేను సినిమాలు చేయకపోయినా నాపై అభిమానులు అంతే ప్రేమ చూపిస్తున్నారు. ఇది ఏ జన్మ ఫలితము అంటూ ఈయన మాట్లాడారు. ఇక తాను ప్రేమించిన అమ్మాయి ఎప్పుడు స్వేచ్ఛగా ఉండాలి తను కోరుకున్న కలలకు తాను చేరుకోవాలని ఈయన ఆకాంక్షించారు.

Manchu Manoj: నా సపోర్ట్ మౌనికకు ఎప్పుడూ ఉంటుంది….

ఇక ప్రతి మగాడి విజయం వెనుక ఆడది ఉంటుంది అంటారు. అలాగే ప్రతి ఆడవారి విషయం వెనుక మగాడు ఉండాలని మౌనిక విషయంలో తన సపోర్ట్ తనకి ఎప్పుడూ ఉంటుంది అంటూ ఈ సందర్భంగా మనోజ్ చేసినటువంటి ఈ కామెంట్స్ సోషల్ మీడియాలో వైరల్ అయ్యాయి. అయితే మనోజ్ మౌనిక గురించి ఇలా మాట్లాడటంతో అక్కడే ఉన్నటువంటి మౌనిక కంటతడి పెట్టుకున్నారు. ప్రస్తుతం ఇందుకు సంబంధించిన ఫోటోలు వీడియోలు వైరల్ అవుతున్నాయి.