Actress Hema: సినీనటి హేమకు భారీ షాక్.. సస్పెన్షన్ వేటు వేసిన మా అసోసియేషన్?

Actress Hema: సినీనటి హేమ బెంగళూరు రేవ్ పార్టీలో పాల్గొనడమే కాకుండా ఈమె డ్రగ్స్ కూడా తీసుకున్నారనే విషయాన్ని పోలీసులు తెలియజేయడంతో ప్రస్తుతం పోలీసులు ఈమెను అరెస్టు చేశారు. దాదాపు 100 మంది పాల్గొన్నటువంటి ఈ పార్టీలో 86 మంది వరకు డ్రగ్ తీసుకున్నారని పోలీసుల వెల్లడించారు. అయితే హేమకు కూడా పాజిటివ్ రావడంతో విచారణకు రావాలని పోలీసులు నోటీసులు పంపించారు.

నోటీసులు పంపినప్పటికీ హేమా విచారణకు హాజరు కాకపోవడంతో ఏకంగా పోలీసులు అరెస్టు చేసి కోర్టులో హాజరు పరిచారు. అయితే కోర్టు పది రోజులపాటు జ్యుడీషియల్ కస్టడీ విధించింది. ఈ నెల 14వ తేదీ వరకు ఈమె రిమాండ్ లో ఉండబోతున్నారు.

ఇలా రేవ్ పార్టీలో పాల్గొనీ డ్రగ్స్ తీసుకోవడంతో ఈమెపై మా కీలక నిర్ణయం తీసుకుంది. ఇలా డ్రగ్స్ తీసుకున్నారని ఆరోపణలు రావడంతో ఈమె పై సస్పెన్షన్ వేటు వేయాలని మా అసోసియేషన్ ఆలోచించినప్పటికీ ఈమె విషయంలో ఎలాంటి నిర్ధారణ రాకపోవడంతో మంచు విష్ణు ఆచితూచి అడుగులు వేస్తున్నారు.

సస్పెన్షన్ వేటు..
ఈ క్రమంలోనే హేమ విషయంపై ఆయన మా అసోసియేషన్ సభ్యులతో మాట్లాడగా ఎక్కువ మంది ఆమెను సస్పెన్షన్ చేయాలని చెప్పడంతో మా అధ్యక్షుడు మంచు విష్ణు సైతం ఆమెపై చర్యలు తీసుకోవడానికి సిద్ధమయ్యారని తెలుస్తుంది. ఈ విచారణలో భాగంగా ఆమెకు క్లీన్ చిట్ వచ్చేవరకు సస్పెన్షన్ వేటు వేస్తున్నట్లు నిర్ణయం తీసుకున్నారు. అయితే ఈ నిర్ణయం అధికారికంగా తెలియజేయాల్సి ఉంది.