Manoj Marriage: మనోజ్ మౌనిక వివాహం సింపుల్ గా లక్ష్మి ఇంట్లో జరగడానికి కారణం ఇదేనా?

Manoj Marriage: మంచు వారసుడిగా మనోజ్ అందరికీ ఎంతో సుపరిచితమే. అయితే తాజాగా ఈయన భూమా మౌనికతో కలిసి రెండోసారి పెళ్లి పీటలు ఎక్కి ఎంతో ఘనంగా వీరి వివాహాన్ని జరుపుకున్నారు. శుక్రవారం రాత్రి 8:30కు మనోజ్ మౌనికల వివాహం ఇరు కుటుంబ సభ్యుల సమక్షంలో ఎంతో అంగరంగ వైభవంగా జరిగింది.

ఇదివరకే మనోజ్ ప్రణతి అనే అమ్మాయిని వివాహం చేసుకొని కొన్ని కారణాల వల్ల తనకు విడాకులు ఇచ్చారు. మౌనిక సైతం ఇంతకుముందే ఒక అబ్బాయిని వివాహం చేసుకొని ఒక కుమారుడు జన్మించిన తర్వాత తనతో వచ్చిన మనస్పర్ధలు కారణంగా విడాకులు ఇచ్చి ఒంటరిగా ఉన్నారు. ఇలా వీరిద్దరూ తిరిగి జీవితంలో ఒక్కటి అయ్యారు.ఇక మనోజ్ మొదటి వివాహం ఎంతో అంగరంగ వైభవంగా సినీ పెద్దల సమక్షంలో ఎంతో ఘనంగా జరిగింది కానీ రెండో వివాహం మాత్రం చాలా సింపుల్ గా జరిగింది.

మంచు కుటుంబం అనుకుంటే ఈయన పెళ్లి ఎంతో వైభవంగా చేసేవారు కానీ ఇతని పెళ్లి ఫిలింనగర్ లో ఉన్నటువంటి మంచు లక్ష్మి నివాసంలో జరిగింది.ఇలా జరగడానికి కారణం ఏంటనే విషయానికి వస్తే నిజానికి మనోజ్ మౌనికను పెళ్లి చేసుకోవడం ఇష్టం లేనటువంటి మంచి ఫ్యామిలీ ఇతని పెళ్లి విషయంలో పెద్దగా ఆసక్తి చూపించలేదని తెలుస్తోంది.అందుకే మంచు లక్ష్మి మనోజ్ పెళ్లి వేడుకలను తన భుజాలపై వేసుకొని తన ఇంట్లో నిర్వహించినట్లు సమాచారం.

Manoj Marriage: మనోజ్ పెళ్లి బాధ్యతలు తీసుకున్న లక్ష్మి…

గతంలో మనోజ్ అంటే తనకు ఎంత ఇష్టమో లక్ష్మీ ప్రసన్న పలుసార్లు తెలియజేశారు. మా ఇద్దరు తల్లులు వేరైనా మా రక్తం మాత్రం ఒకటే నేను తనని తమ్ముడిగా కాకుండా కొడుకుగా చూసుకుంటాను అంటూ ఎన్నోసార్లు మనోజ్ పై ఉన్నటువంటి ప్రేమను బయటపెట్టారు. అందుకే మౌనికను ప్రేమిస్తున్నట్లు మనోజ్ ముందుగా తన సోదరీ లక్ష్మికి తెలియచేయడంతో తన కుటుంబ సభ్యులకు ఇష్టం లేకపోయినా లక్ష్మీ ఒక అడుగు ముందుకు వేసి మనోజ్ పెళ్లి బాధ్యతలను తీసుకున్నారు. ఇక వీరి వివాహంలో ఇరుకు కుటుంబ సభ్యులు పాల్గొని సందడి చేశారు. మంచు మోహన్ బాబు సైతం వీరి వివాహానికి హాజరయ్యారు.