జబర్దస్త్ కు పోటీగా నాగబాబు సొంత కుంపటి..!! నాగబాబు చానల్ పేరు మార్చడం వెనుక అసలు విషయం.

నాగబాబు ఈ మధ్య వివాదాలకు కేరాఫ్ అడ్రస్ గా మారి నిత్యం సోషల్ మీడియాలో కనబడుతున్న సంగతి తెలిసిందే. తాజాగా నాగబాబు తన యూ ట్యూబ్ ఛానల్ పేరును మార్చేశాడు. గతంలో నాగబాబు స్వంత ఛానల్ కు ‘అంతా నా ఇష్టం’ అనే పేరు వుండగా.. లేటెస్టుగా తన ఛానెల్ పేరుని “మన ఛానెల్ – మన ఇష్టం” అని మార్చేశారు. కానీ ఇంత సడన్ గా నాగబాబు ఈ నిర్ణయం తీసుకోవడం వెనుక మతలబు ఏమిటా.? అని అటు టాలీవుడ్ లోనూ.. అటు మెగా ఫ్యాన్స్ లోనూ సందేహాలు మొదలయ్యాయి. ఈ సందేహాలకు ఫుల్ స్టాప్ పెడుతూ ప్రేక్షకులకు కేవలం సమాచారాన్ని మాత్రమే అందివ్వడం కాకుండా వినోదాన్ని కూడా అందించాలనుకునే సదుద్దేశ్యంతోనే ఈ మార్పు చేసినట్లుగా నాగబాబు తెలియజేశారు. 

ఇక అసలు విషయానికి వస్తే.. టాలీవుడ్ లో హీరోగా సక్సెస్ కాలేకపోయిన మెగా బ్రదర్ నాగబాబుకు మంచి క్రేజ్ ను తీసుకొచ్చిన ప్రోగ్రామ్ జబర్దస్త్. ఈ కామెడీషో నుండి నాగబాబు కొన్ని కారణాల వలన తప్పుకుని మరో ఛానెల్ లో ‘అదిరింది’ అనే కామెడీ షోలో జాయినయ్యాడు. అయితే తాజాగా అందిన సమాచారం ఏమిటంటే.. ఇప్పుడు ‘అదిరింది’ షోకు ధీటుగా తనే సొంతంగా ఓ కామెడీ షోను ప్లాన్ చేస్తున్నాడట నాగబాబు. అయితే ఈ షోను నాగబాబు కొత్త టాలెంట్‌ పర్సన్స్ ను ఎంకరేజ్ చేయడానికి మాత్రమే ఉపయోగించబోతున్నారట. అలాగే ఈ షో ఇతర టీవీ ఛానెల్స్‌లో ప్రసారం కాదట.

నాగబాబు సొంత ఛానెలైన ‘మన ఛానెల్ – మన ఇష్టం’ అనే యూ ట్యూబ్ ఛానెల్‌ లోనే ప్రసారమౌతుందట. దీనికి సంబంధించిన ప్రకటనను త్వరలోనే ఓ ప్రముఖ కమెడియన్ ప్రకటిస్తారని టాక్. జబర్దస్త్, అదిరింది షోల రేంజ్ లో నాగబాబు చేయబోయే సొంత షోలోనూ టీమ్ లీడర్స్ ఉంటారట. అనుభవం ఉన్న టీమ్ లీడర్స్‌ తో పాటు, కొత్తవాళ్లు కూడా జాయినవుతారట. ఇంతకీ ఈ షో ఎంతవరకు సక్సెస్ అవుతుందో కాదో తెలియదు కానీ.. అదిరింది షోలో మరి నాగబాబు పాల్గొంటాడా? లేదా? అన్న విషయం ఇంకా సస్పెన్స్ గానే ఉంది.