Ram Charan: మెగా హీరో రామ్ చరణ్ తేజ్ ప్రస్తుతం వరుస సినిమాలతో ఎంతో బిజీగా ఉన్నారు. ఇప్పటికే చరణ్ రాజమౌళి దర్శకత్వంలో నటించిన RRR సినిమా విడుదల కావాల్సి ఉండగా కరోనా వల్ల వాయిదా పడింది. మరి ఈ సినిమా ఎప్పుడు విడుదల అవుతుందో తెలియదు.అలాగే తన తండ్రి చిరంజీవితో కలిసి నటించిన ఆచార్య సినిమా వచ్చే నెల విడుదల కాబోతోంది.
ఇలా RRR సినిమా వాయిదా పడటంతో ఇన్ని రోజులు ప్రమోషన్ కార్యక్రమాల్లో బిజీగా ఉన్న రామ్ చరణ్ తన తదుపరి సినిమాలలో బిజీ కానున్నట్లు తెలుస్తోంది. ఇప్పటికే కోలీవుడ్ స్టార్ డైరెక్టర్ శంకర్ దర్శకత్వంలో తెరకెక్కుతున్న సినిమా 2 షెడ్యూల్ చిత్రీకరణ పూర్తి చేసుకుంది. అదే విధంగా గౌతమ్ తిన్ననూరి దర్శకత్వంలో తెరకెక్కుతున్న మరో సినిమా కూడా షూటింగ్ పనులను ప్రారంభించారు.
ఇలా వరుస సినిమా షూటింగులతో బిజీగా ఉన్న రామ్ చరణ్ తాజాగా మరో క్రేజీ డైరెక్టర్ కు ఆఫర్ ఇచ్చినట్లు తెలుస్తోంది. చరణ్ ఇటీవలె నాని ద్విపాత్రాభినయంలో నటించి మంచి విజయాన్ని అందుకున్న శ్యామ్ సింగరాయ్ చిత్రాన్ని ఎంతో అద్భుతంగా తెరకెక్కించిన దర్శకుడు రాహుల్ సాంకృత్యన్ మేకింగ్ నచ్చడంతో అతనికి సినిమా ఆఫర్ చేస్తున్నట్లు సమాచారం.
అద్భుతమైన కథతో రావాలని సమాచారం…
ఇలా చరణ్ రాహుల్ దర్శకత్వంలో వచ్చిన శ్యామ్ సింగరాయ్ సినిమా చూసి ఇంప్రెస్ అయిన చరణ్ ఒక అద్భుతమైన కథతో తన వద్దకు రావాలని రామ్ చరణ్ కి సూచించినట్లు తెలుస్తోంది. ఇదే కనుక నిజమైతే రాహుల్ తన మూడవ సినిమాకే మెగా హీరోని డైరెక్ట్ చేసే అవకాశాన్ని దక్కించుకున్నట్లు అవుతుంది. మరి ఇందులో ఎంతవరకు నిజం ఉందో తెలియాల్సి ఉంది.