NTR-Star Hero: ఎన్టీఆర్ తదుపరి చిత్రం.. కీలక పాత్రలో స్టార్ హీరో..! డైరెక్టర్ ప్లాన్ మామూలుగా లేదుగా!

NTR-Star Hero: యంగ్ టైగర్ ఎన్టీఆర్ ప్రస్తుతం తన తదుపరి చిత్రాలపై ఫోకస్ పెంచాడు. రాజమౌళి ట్రిపుల్ ఆర్ వల్ల దాదాపుగా మూడేళ్లలో ఏ ఒక్క సినిమాకు కూడా కమిట్ కాలేదు జూనియర్ ఎన్టీఆర్. ప్రస్తుతం ట్రిపుల్ ఆర్ షూటింగ్ ముగియడంతో ఇక నెక్ట్స్ ప్రాజెక్ట్ లకు కమిట్ అవుతున్నారు.

ఇదిలా ఉంటే ఎన్టీఆర్ ఫ్యాన్స్, మెగా ఫ్యాన్స్ ఎంతో ఆసక్తిగా చూసిన ట్రిపుల్ ఆర్ జనవరి 7న ప్రేక్షకుల మందుకు రావాల్సి ఉన్నా.. కరోనా కారణంగా మరోసారి వాయిదా పడటం ఫ్యాన్స్ కు నిరాశ కలిగించింది. దర్శక ధీరుడు రాజమౌళి డైరెక్షన్ లో అల్లూరి సీతారామరాజుగా రామ్ చరణ్, కొమురంభీంగా ఎన్టీఆర్ నటిస్తుండంతో పాటు బాలీవుడ్ స్టార్లు అలియాభట్, అజయ్ దేవ్ గన్ కూడా నటిస్తున్న ఈ ప్యాన్ ఇండియా సినిమాపై భారీగా అంచనాలు నెలకొన్నాయి.

సినిమా విడుదల ముందు భారీగానే ప్రమోషన్లు చేసిన చిత్ర యూనిట్ కరోనా కారణంగా విడుదలను వాయిదా వేసింది. ఇదిలా ఉంటే ఎన్టీఆర్ మరో క్రేజీ ప్రాజెక్ట్ కు కమిట్ అయినట్లు తెలిసింది. కొరటాల శివ డైరెక్షన్ లో ఎన్టీఆర్ ఓ సినిమాకు కమిట్ అయ్యాడు.

‘జనతా గ్యారేజీ’ బ్లాక్ బస్టర్..

వీరిద్దరి కాంబినేషన్ లో ఇప్పటికే ‘ జనతా గ్యారేజీ ’ బ్లాక్ బస్టర్ ఉంది. దీంతో సహజంగానే ఈ సినిమా పై భారీ అంచనాలు ఉన్నాయి. అయితే ఈ హైప్ ను మరింత పెంచే వార్త ఒకటి ఫిలింనగర్ లో చక్కర్లు కొడుతోంది. ఈ సినిమాలో అత్యంత కీలకమైన ఎన్టీఆర్ బాబాయ్ పాత్రను స్టార్ హీరో రాజశేఖర్ పోషిస్తున్నట్లు తెలిసింది. ఇదే నిజం అయితే ఇటు ఎన్టీఆర్ ఫ్యాన్స్ కు, అటు రాజశేఖర్ ఫ్యాన్స్ కు పండగే. ఈ సినిమాలో హీరోయిన్ గా కియారా అద్వానీ నటిస్తున్నట్లు సమాచారం. ప్రస్తుతం రాజశేఖర్.. “శేఖర్” సినిమాతో ప్రేక్షకుల ముందుకు రాబోతున్నారు. దీంతో పాటు మరికొన్ని ప్రాజెక్ట్ లు రాజశేఖర్ చేతిలో ఉన్నాయి.