బాక్సింగ్ లెజెండ్ మైక్ టైసన్ తో విజయ్ దేవరకొండ ఫోటో వైరల్..!

టాలీవుడ్ హీరో విజయ్ దేవరకొండ గురించి ప్రత్యేకంగా పరిచయం అక్కర్లేదు. ప్రస్తుతం విజయ్ దేవరకొండ లైగర్ అనే సినిమాలో నటిస్తున్న విషయం అందరికి తెలిసిందే. ఈ సినిమాకి టాలీవుడ్ దర్శకుడు పూరి జగన్నాథ్ దర్శకత్వం వహిస్తున్నారు. పూరి జగన్నాథ్,విజయ్ కాంబినేషన్ లో సినిమా రూపొందుతుండటంతో ప్రేక్షకులు ఈ సినిమాపై భారీగా అంచనాలు పెట్టుకున్నారు.

బాక్సింగ్ నేపథ్యంలో సాగే ఈ సినిమాలో విజయ్ దేవరకొండ ఒక సరికొత్త పాత్రలో కనిపించబోతున్నారు. ఇందులో ప్రపంచ బాక్సింగ్ లెజెండ్ మైక్ టైసన్ ఈ సినిమాలో నటిస్తుండటం విశేషం. ఇటీవల దీపావళి పండుగ సందర్భంగా మైక్ టైసన్ కు సంబంధించిన లుక్ ను విడుదల చేసిన విషయం తెలిసిందే. తాజాగా ఈ సినిమా షెడ్యూల్ ను అమెరికాలో ప్లాన్ చేశారు.

ఈనెల 12వ తేదీన చిత్ర బృందం అమెరికాకు చేరుకోగా ప్రస్తుతం మైక్ టైసన్ అలాగే విజయ్ దేవరకొండ మధ్య కొన్ని యాక్షన్ సన్నివేశాలను చిత్రీకరించబోతున్నారు పూరి జగన్నాథ్. తాజాగా మైక్ టైసన్ లైగర్ చిత్ర బృందంతో కలిసాడు. ఈ నేపథ్యంలోనే విజయ్ దేవరకొండ మైక్ టైసన్ తో కలిసి కొంచెం వెరైటీగా ఫోటో దిగాడు. అతనితో కలిసి పనిచేయడం పై సంతోషం వ్యక్తం చేసిన విజయ్ దేవరకొండ ఈ మెమోరీస్ జీవితాంతం గుర్తుంచుకుంటాను అని తెలిపాడు.

ఈ సినిమాకు పూరి జగన్నాథ్ దర్శకత్వం వహించగా, హీరోయిన్ ఛార్మి అలాగే బాలీవుడ్ ప్రముఖ దర్శక నిర్మాత కరణ్ జోహార్ కలిసి ఈ సినిమాను నిర్మిస్తున్నారు. పూరి జగన్నాథ్, విజయ్ దేవరకొండ, అనన్య పాండే ఇలా ఈ చిత్ర మొత్తం బృందానికి లైగర్ తొలి పాన్ ఇండియా మూవీ. పూరి జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమా ఎంతటి విజయాన్ని సాధించిందో అందరికి తెలిసిందే. ఈ సినిమా తరువాత పూరి జగన్నాథ్ దర్శకత్వంలో చేస్తున్న సినిమా కావడంతో ఈ సినిమాపై భారీగా అంచనాలు పెట్టుకున్నారు.