Mr Tea Naveen Reddy : రంగారెడ్డి జిల్లా అధిభట్లలో జరిగిన ఒక కిడ్నాప్ అందరిని ఆశ్చర్యానికి గురిచేసింది. సినిమా లెవెల్లో వందమంది తో వచ్చి ఒక అమ్మాయిని ఎత్తుకెళ్లారు. అడ్డొచ్చిన వారిని కొట్టి ఆ ఇంటివద్ద సీసీ కెమెరాలను ధ్వంసం చేసి నానా హంగామా చేసి యువతీని కిడ్నాప్ చేయడం కలకలం రేపింది. కానీ ఈ కిడ్నాప్ విషయంలో లోతుకి వెళితే అక్కడే మరిన్ని ట్విస్టులు వెలుగులోకి వచ్చాయి. ఇక కిడ్నాప్ చేయించిన నవీన్ రెడ్డి బ్యాక్ గ్రౌండ్ చూసి అందరూ ఆశ్చర్య పోతున్నారు. దౌర్జన్యంగా ఒక అమ్మాయిని కిడ్నాప్ చేసారని తోలుత భావించినా నిజానికి ఆ అమ్మాయికి నవీన్ రెడ్డి కి అంతకుముందు చాలానే జరిగిందని బయట ప్రచారం జరుగుతోంది. ఇక వ్యాపారవెత్తగా చిన్న వయసులోనే సక్సెస్ అయిన నవీన్ రెడ్డి ఈ ఒక్క సంఘటన తో ఒక్కసారిగా తాను తెచ్చుకున్న మంచి పేరును చెడగొట్టుకున్నాడు. ఇక ఆయన ఇంటి చుట్టుపక్కల వాళ్ళు ఆయన గురించి మాట్లాడారు.

ఆ అమ్మాయి పరువు తీసాడు… తన పేరు పోగొట్టుకున్నాడు….

నవీన్ రెడ్డి వ్యాపారం లో అంచెలంచాలుగా ఎదిగి మంచి పేరు డబ్బు సంపాదిస్తున్నాడు. ఇక అతని గురించి ఆయన ఇంటి వద్ద ఉన్న స్థానికులు మాట్లాడుతూ నవీన్ ఇంటికి చాలా తక్కువగా వచ్చేవాడు మొదట్లో ఇంటి నుండే ఆఫీస్ పనులు చూసుకునేవాడు కష్టపడి ఇంత సక్సెస్ చూసిన అతను ఇలా చేయడం బాగోలేదు అంటూ అక్కడి స్థానికులు అభిప్రాయపడ్డారు. అంత నిజాయితీగా ప్రేమించి ఉంటే ఆ అమ్మాయి తల్లిదండ్రులను ఒప్పించి ఉండాలి.

అలా కాకుండా ఆ అమ్మాయిని అలా తీసుకెళ్లి అతని పేరు చెడగొట్టుకున్నాడు అలానే ఆ అమ్మాయి పరువు తీసాడు. దీనివల్ల ఎవరికీ లాభం వచ్చింది అంటూ అభిప్రాయపడ్డారు. నవీన్ చాలా మంచివాడు ఇలా చేస్తాడని అనుకోలేదంటూ చాలామంది అభిప్రాయపడ్డారు. వైశాలి, నవీన్ ఇద్దరు ప్రేమించుకున్నారు గతంలో ఆ అమ్మాయి నవీన్ ఇంటికి వచ్చేది అంటూ కొంతమంది స్థానికులు తెలిపారు.