Youtuber Harsha: అంత ఖర్చు పెట్టి వీడియోస్ తీయడానికి కారణం.. నా భవిష్యత్ లక్ష్యం అదే.. : యూట్యూబర్ హర్ష సాయి

Youtuber Harsha: మనిషి పుట్టినప్పుడు ఖాళీ చేతులతో పుట్టడం పోయేటప్పుడు వెంట ఏది తీసుకోని పోమని, ఉన్నప్పుడే ఎంతో సంతోషంగా బతకాలి అంటూ అందరిలోనూ ఒక స్ఫూర్తిని నింపుతున్నారు యూట్యూబర్ హర్ష. ప్రస్తుతం ఎంతోమంది పేరుప్రఖ్యాతులు గాంచిన యూట్యూబర్స్ సరికొత్త వీడియోలను చేస్తూ వారికంటూ పేరు ప్రఖ్యాతలు సంపాదించుకోవడం అదేవిధంగా పెద్దఎత్తున డబ్బు సంపాదించుకోవడం కోసం కష్ట పడుతున్నారు.

ఇలాంటి వారందరికీ తాను ఎంతో భిన్నమని చెప్పకనే చెప్పేస్తున్నారు యూట్యూబర్ హర్ష. మన సంపాదించిన మొత్తంలో పేదలకు ఖర్చు చేస్తూ ఎంతో తృప్తి పొందుతున్నారు. ఎవరైనా సహాయం కోసం అతనిని అడిగితే తప్పకుండా సహాయం చేయడానికి ముందు వరుసలో ఉంటారు. అయితే ఈయన సహాయం వందలు, వేలల్లో కాదండోయ్ లక్షల్లో కూడా ఉంటుంది.

హర్ష ఎంతో డబ్బు ఖర్చు చేసి యూట్యూబ్ వీడియోలను చేస్తుంటారు. అయితే ఈయన చేసే ప్రతి ఒక్క వీడియోలోనూ ప్రజలకు సహాయం చేయాలనే తపన కనబడుతుంది. అందుకు అనుగుణంగానే ఇతని వీడియోలు కూడా ఉంటాయి.ఎంతో సంపన్నమైన కుటుంబం నుంచి వచ్చిన ఈయన చిన్న చిన్న ఆటలు ఆడిస్తూ పేదవారిని ధనవంతులుగా చేస్తూ ఎంతో మందికి స్ఫూర్తిగా నిలబడ్డారు.

వందల కుటుంబాలకు సహాయ సహకారాలు…

ఈ విధంగా ఇప్పటికే వందల కుటుంబాలకు సహాయం చేసి వారిని ఆర్థికంగా నిలబెట్టిన హర్ష తన భవిష్యత్ ప్రణాళిక గురించి తెలిపారు. తనకు భవిష్యత్తులో మన దేశంలో ఉన్నటువంటి పేదవారిలో కనీసం 50 శాతం మందికి తాను సహాయం చేయడమే లక్ష్యంగా పెట్టుకున్నానని ఈ సందర్భంగా హర్ష తెలిపారు. త్వరలోనే తన యూట్యూబ్ ద్వారా మరికొంత మందికి సహాయం చేయబోతున్నట్లు ఆయన తెలియజేశారు.