Nani:నేచురల్ స్టార్ నాని, టాలెంటెడ్ డైరెక్టర్ రాహుల్ సాంకృత్యాన్ కాంబినేషన్ లో వచ్చిన తాజా చిత్రం ” శ్యామ్ సింగరాయ్ “. ఈ సినిమాలో నాని సరసన సాయి పల్లవి, కృతి శెట్టి, మడోన్నా సెబాస్టియన్ హీరోయిన్లుగా నటించారు. నిహారిక ఎంటర్ టైన్ మెంట్స్ బ్యానర్ పై వెంకట్ బోయనపల్లి ఈ చిత్రాన్ని నిర్మించారు. మిక్కీ జె మేయర్ ఈ చిత్రానికి సంగీతం అందించారు. కాగా కలకత్తా బ్యాక్ గ్రౌండ్ నేపథ్యంలో వచ్చిన ఈ మూవీ బాక్సాఫీస్ వద్ద సూపర్ హిట్‏గా నిలిచింది. డిసెంబర్ 17 న రిలీజ్ అయిన ఈ మూవీ తెలుగుతో పాటు… తమిళ్, కన్నడ భాషలలో మంచి కలెక్షన్లు సాధించింది. ఈ చిత్రంలో నాని అప్ కమింగ్ యంగ్ డైరెక్టర్ గా, శ్యామ్ సంగ రాయ్ గా రెండు విభిన్నమైన పాత్రల్లో అద్భుతంగా నటించాడు. శ్యామ్ సింగ రాయ్ పాత్రలో పవర్ ఫుల్ గా ఉంటూనే ఎమోషనల్ గా కూడా మెప్పించాడు.

థియేటర్లలోనే కాకుండా ప్రస్తుతం ఓటీటీలో కూడా ప్రేక్షకులను మెప్పిస్తోందీ చిత్రం. నెట్ ఫ్లిక్స్ ఓటిటి వేదికగా ఈ చిత్రం ప్రసారం అవుతుంది. కాగా ఈ సినిమాను చూసి మెగాస్టార్ చిరంజీవి, క్రికెటర్ హనుమ విహారి వంటి ప్రముఖులు చిత్ర బృందంపై ప్రశంసలు వర్షం కురిపించిన సంగతి తెలిసిందే. ఇదిలా ఉంటే ఈ సినిమాలో డిలీట్ చేసిన ఒక సీన్ ను ఇప్పుడు యూట్యూబ్ ద్వారా విడుదల చేసింది చిత్రబృందం.

ఆరోజు కచ్చితంగా పెళ్లి చేసుకుంటాను అంటున్న నాని …

శ్యామ్ సింగ రాయ్ గా నాని… వేశ్యలందరితో కూర్చుని ఉంటాడు. వారి కోసం నాని ఓ కవిత రాసి వినిపిస్తాడు. అప్పుడు ఒక వేశ్య… ‘ఇంత తెలిసిన నువ్వు మరి నన్ను పెళ్లి చేసుకుంటావా ? అని అడుగుతుంది. దీనికి శ్యామ్ ” కచ్చితంగా చేసుకుంటాను… నిన్ను ప్రేమించిన రోజు ” అని సమాధానమిస్తాడు. ఈ సీన్ కూడా సినిమాలో ఉంటే ఇంకా బాగుండేదని నెటిజన్లు కామెంట్ చేస్తున్నారు. మరి దీనిని సినిమా నుంచి ఈ సీన్ ని తొలగించడానికి గల కారణాలు చిత్ర బృందానికే తెలియాలి