Mahesh Babu:రమేశ్ బాబు పెద్ద కర్మ కార్యక్రమంలో బోరున ఏడ్చేసిన మహేష్ బాబు… అన్నయ్య ఇక లేడంటూ !

Mahesh Babu:సూపర్ స్టార్​ కృష్ణ పెద్ద కుమారుడు, మహేష్ బాబు సోదరుడు రమేశ్​​ బాబు ఇటీవల మరణించిన సంగతి తెలిసిందే. 56 ఏళ్ల రమేశ్​ బాబు అనారోగ్యంతో జనవరి 8న రాత్రి తుది శ్వాస విడిచారు. దీంతో ఘట్టమనేని కుటుంబ సభ్యులకు తీరని శోకం మిగిలింది. చిన్నప్పటి నుంచి సోద‌రుడితో అత్యంత స‌న్నిహితంగా ఉండేవారు మ‌హేష్. ఆ విషయ్లను పలు సంధార్భాల్లో చెప్పుకొచ్చారు కూడా. మహేష్ కు కోవిడ్ వచ్చిన కార‌ణంగా క్వారంటైన్‌లో ఉండాల్సిన ప‌రిస్థితి వచ్చింది. దీంతో సోద‌రుడిని చివ‌రి చూపు కూడా చూసుకోలేక‌పోయారు. ఈ విషయం ఘట్టమనేని అభిమానులను కూడా ఎంతో బాధపెట్టింది.

అయితే ప్రస్తుతం కరోనా నుంచి కోలుకున్న మహేశ్​ బాబు శనివారం (జనవరి 22) సోదరుడు రమేశ్​ బాబు పెద్దకర్మకు హాజరయ్యారు. ఈ కార్యక్రమంలో తన అన్నయ్య మరణించిన రోజు రాలేకపోయినందుకు ఎంతో బాధపడినట్లు తెలుస్తోంది. అన్నయ్యతో మహేశ్ బాబు జ్ఞాపకాలను గుర్తు చేసుకుంటూ కన్నీటి పర్యంతమైనట్లు సమాచారం. రమేశ్​ బాబు చనిపోయినప్పుడు మహేష్ భావోద్వేగంగా ట్వీట్​ చేసిన విషయం తెలిసిందే. ఇక రమేశ్ బాబు పెద్దకర్మకు ఘట్టమనేని కుటుంబ సభ్యులు, పలువురు సన్నిహిత బంధువులు మాత్రమే హాజరైనట్లు తెలుస్తోంది.

రమేశ్ బాబు – మహేష్ బాబు సినీ ప్రయాణం…

ర‌మేష్ బాబు, మ‌హేష్ బాబు క‌లిసి పలు సినిమాలు చేశారు. బ‌జార్ రౌడీ, ముగ్గురు కొడుకులు సినిమాల్లో ర‌మేష్ బాబు, మ‌హేష్ బాబు క‌లిసి యాక్ట్ చేశారు. తండ్రి బాట‌లోనే సినిమా రంగంలోకి అడుగు పెట్టారు రమేష్ బాబు. తెలుగు సినిమా చరిత్ర‌లో ఎవర్‌గ్రీన్ క్లాసిక్‌ ‘అల్లూరి సీతారామరాజు’ చిత్రంలో యువ అల్లూరి పాత్ర‌లో క‌నిపించారు. నటుడిగా అదే ఆయ‌న తొలి సినిమా. మహేష్ బాబు నటించిన దూకుడు, ఆగ‌డు చిత్రాల‌కు ర‌మేష్ బాబు స‌మ‌ర్ప‌కుడిగా వ్యవహరించారు. రమేశ్ బాబు మృతి ఘట్టమనేని ఫ్యామిలీకి తీరని లోటు అనే చెప్పాలి.