Naveen Brother : ఇదంతా నిహారిక రెడ్డి ప్లాన్… వాళ్ళు ముగ్గురూ బయటికి వస్తే నేనే వాళ్లను చంపి జైలుకి వెళ్తా…: నవీన్ తమ్ముడు

Naveen Brother : తెలంగాణ రాష్ట్రంలో సంచలనం సృష్టించిన గిరిజన యువకుడు నవీన్ హత్య కేసులో నిహారిక రెడ్డి ప్రమేయం ఉంది అంటూ నవీన్ కుటుంబం ఆరోపిస్తున్న నేపథ్యంలో పోలీసులు నిహారిక రెడ్డిని ఇటీవలే అదుపులోకి తీసుకోగా ఈ విషయం గురించి నవీన్ తమ్ముడు మాట్లాడుతూ నిహారిక అలాగే హరిహర కృష్ణ కు ఉరిశిక్ష పడాలంటూ ఆకాంక్షించాడు. ఈ కేసులో ఇప్పటికే హరిహర, నిహారిక, హాసన్ అదుపులోకి తీసుకున్న పోలీసులు వారిని విచారిస్తున్నారు.

వాళ్ళు బయటికి వస్తే చంపేసి జైలుకి వెళ్తా…

నవీన్ తమ్ముడు మీడియాతో మాట్లాడుతూ నిహారిక, హరిహర కు ఉరిశిక్ష పడాలని కోరుకున్నాడు. పోలీసుల మీద, వారి విచారణ మీద నమ్మకం ఉందని వాళ్ళు మా కుటుంబానికి న్యాయం చేస్తారనే నమ్మకం ఉందని తెలిపారు. మొదటి నుండి నిహారిక వల్లే హరిహర హత్య చేశాడని నవీన్ తమ్ముడు ఆరోపించాడు. హరిహర కు నవీన్ ను హత్య చేసే అవసరం లేదని కేవలం నిహారిక వల్లే హత్య చేసాడని తెలిపారు.

విచారణ పూర్తయ్యాక బెయిల్ మీద హరిహర బయటికి వస్తాను అని అన్న వ్యాఖ్యల మీద మాట్లాడుతూ నిహారిక, హాసన్, హరిహర బయటికి వచ్చారంటే మాత్రం వాళ్ళను చంపి నేను జైలుకి వెళ్తాను. వాళ్ళు జైలు నుండి ఎలా బయటికి వచ్చారో నేను అలానే బయటికి వస్తాను అంటూ మాట్లాడాడు. అయితే పోలీసుల మీద నమ్మకం ఉందని అందుకే ఎటువంటి ధర్నాలు వంటివి చేయడం లేదని చెప్పాడు.