Raj Tarun: వివాదంలో నటుడు రాజ్ తరుణ్… కెరియర్ ఇబ్బందులలో పడినట్లేనా?

Raj Tarun: సినీ నటుడు రాజ్ తరుణ్ వివాదంలో చిక్కుకున్న సంగతి తెలిసిందే.ప్రస్తుతం తిరగబడర సామి అనే సినిమాలో నటిస్తుండగా ఈ సినిమాపై భారీ స్థాయిలో అంచనాలు నెలకొన్నాయి. ఈ సినిమా ద్వారా ఈయన కచ్చితంగా హిట్ కొడతారని భావిస్తున్న తరుణంలో ఊహించని విధంగా ఒక కేసులో చిక్కుకోవాల్సిన పరిస్థితి ఏర్పడింది.

లావణ్య అనే యువతితో రాజ్ గత 11 సంవత్సరాల నుంచి రిలేషన్ లో ఉన్నట్టు ఆమె వెల్లడించారు.గతంలోనే గుడిలో నాకు, రాజ్ తరుణ్ కు పెళ్లైందని అధికారికంగా మరోసారి పెళ్లి చేసుకుంటానని చెప్పి ఒక హీరోయిన్ తో రిలేషన్ షిప్ వల్ల మోసం చేశాడని లావణ్య నార్సింగ్ పోలీస్ స్టేషన్లో ఫిర్యాదు చేశారు. అంతేకాకుండా లావణ్యతో రాజ్ తరుణ్ చాలా చనువుగా ఉన్నటువంటి ఫోటోలు కూడా ప్రస్తుతం సోషల్ మీడియాలో వైరల్ అవుతున్నాయి.

ఈ విధంగా లావణ్య అనే యువతి ఈయన గురించి ఇలాంటి ఆరోపణలు చేయడంతో ఈ ఆరోపణలపై రాజ్ తరుణ్ స్పందించారు. లావణ్యతో నేను రిలేషన్ లో ఉన్న మాట వాస్తవమేనని చెప్పారు. అయితే మాది శారీరక రిలేషన్ కాదని ఈయన తెలిపారు. కావాలనే ఆమె తనపై తప్పుడు ఆరోపణలు చేస్తున్నారని రాజ్ తరుణ్ తెలిపారు.

వేరే వ్యక్తితో రిలేషన్..
ఇక తనతో కలిసి ఉన్నన్ని రోజులు నాకు చాలా టార్చర్ పెట్టేదని కానీ ఆ విషయాలను నేను ఎక్కడ చెప్పుకోలేదని వెల్లడించారు. అంతేకాకుండా లావణ్య ప్రస్తుతం మరొక వ్యక్తితో రిలేషన్ లో ఉందని కూడా ఈయన తెలియజేశారు. ఏది ఏమైనా ఇలా సినిమా విడుదల సమయంలో ఈయన ఈ విధమైనటువంటి వివాదంలో చిక్కుకోవడంతో ఈ వివాదం కారణంగా తన కెరీర్ ఇబ్బందులలో పడే అవకాశాలు ఉన్నాయని స్పష్టంగా అర్థమవుతుంది.