ఇంటి నుంచే ఆధార్ తప్పులను సవరించుకునే ఛాన్స్.. ఎలా అంటే..?

కరోనా మహమ్మారి విజృంభన వల్ల దేశంలో చాలామంది ప్రజలు ఎక్కువ సమయం ఇంట్లోనే ఉండటానికి ఇష్టపడతున్నారు. ఎంతో ముఖ్యమైన పనులు ఉంటే మాత్రమే ఇంటి నుంచి బయటకు వెళ్లడానికి ఆసక్తి చూపుతున్నారు. ఆధార్ కార్డులో చిన్నచిన్న తప్పులు ఉన్నా కార్డులో మార్పులు చేసుకోవడానికి ఆధార్ సేవా కేంద్రానికి వెళ్లాలన్నా ప్రజలు భయాందోళనకు గురి కావాల్సిన పరిస్థితి ఏర్పడింది.

అయితే ఆధార్ కార్డులో తప్పులు ఉంటే ఇంటి నుంచే సులభంగా మార్పులు చేసుకోవచ్చు. యూనిక్ ఐడెంటిఫికేషన్ అథారిటీ ఆఫ్ ఇండియా కరోనా విజృంభణ నేపథ్యంలో ఒక కొత్త ఫీచర్ ను అందుబాటులోకి తెచ్చింది. ఈ ఫీచర్ సహాయంతో సులభంగా ఆధార్ కార్డులోని పేరు, డేట్ ఆఫ్ బర్త్, జెండర్, అడ్రస్, లాంగ్వేజ్ ను అప్ డేట్ చేసుకునే అవకాశం ఉంటుంది. ఈ సేవలు కాకుండా ఇతర సేవలను పొందాలని అనుకుంటే మాత్రం ఆధార్ సేవా కేంద్రాన్ని సందర్శించాల్సి ఉంటుంది.

ఆధార్ కార్డులో వివరాలను మార్చుకోవాలని అనుకుంటే మొదట uidai.gov.in వెబ్ సైట్ ను సందర్శించాలి. ఆ తరువాత వెబ్ సైట్ లో మై ఆధార్ అనే సెక్షన్ ను ఎంచుకోవాలి. అందులో అప్ డేట్ ఆధార్ అనే ఆప్షన్ ను ఎంచుకుని అందులో అప్‌డేట్ డెమోగ్రాఫిక్ డేటా ఆన్ లైన్ అనే ఆప్షన్ పై క్లిక్ చేయాలి. ఆ తరువాత ప్రొసీడ్ టు అప్ డేట్ ఆధార్ అనే ఆప్షన్ ద్వారా ఆధార్ కార్డ్, క్యాప్చా వివరాలను ఎంటర్ చేయాలి.

ఆ తరువాత రిజిష్టర్డ్ మొబైల్ నంబర్ కు వచ్చే ఓటీపీని ఎంటర్ చేసి అప్ డేట్ డెమోగ్రాఫిక్ డేటా అనే ఆప్షన్ ను ఎంపిక చేసుకోవాలి. ఆ తరువాత పేరు, చిరునామా, ఇతర వివరాలలో మార్పులు చేసి అడ్రస్ ప్రూఫ్ గా ఆధార్ కార్డును జత చేయాలి. ఆ తరువాత 50 రూపాయలు చెల్లించడం ద్వారా ఆధార్ కార్డులో మార్పులు చేసుకుని కొన్ని రోజుల తరువాత కొత్త ఆధార్ కార్డును పొందవచ్చు.