భారీ లాభాలు ఇస్తున్న 5 మ్యూచువల్ ఫండ్స్.. సంవత్సరంలోనే కళ్లు చెదిరే రాబడి..!

తక్కువ సమయంలో ఎక్కువ రాబడిని పొందాలని అనుకునే వాళ్లకు మ్యూచువల్ ఫండ్స్ బెస్ట్ ఆప్షన్ అని చెప్పవచ్చు. రిస్క్ ఉన్నా మ్యూచువల్ ఫండ్స్ లో పెట్టుబడులు పెట్టడం ద్వారా కనీస జాగ్రత్తలు తీసుకుని కళ్లు చెదిరే లాభాలను పొందే అవకాశం ఉంటుంది. కరోనా మహమ్మారి, లాక్ డౌన్ నిబంధనల వల్ల గతేడాది స్టాక్ మార్కెట్లలో పెట్టుబడులు పెట్టిన వాళ్లు భారీ నష్టాలను చవిచూసినా మ్యూచువల్ ఫండ్స్ లో పెట్టుబడులు పెట్టిన వాళ్లకు మాత్రం భారీ లాభాలు వచ్చాయి.

గతేడాది 5 మ్యూచువల్ ఫండ్స్ లో పెట్టుబడులు పెట్టిన వాళ్లు 50 శాతం నుంచి 70 శాతం వరకు లాభాలను సొంతం చేసుకున్నారు. మ్యూచువల్ ఫండ్స్ ఏయూఎం సంవత్సర కాలంలో ఏకంగా 13 శాతం పెరిగి 30 లక్షల కోట్ల రూపాయల రాబడిని సొంతం చేసుకోగా ఈ రాబడి ఆల్ టైం రికార్డ్ కావడం గమనార్హం. నిఫ్టీ, సెన్సెక్స్ లతో పోల్చి చూస్తే మ్యూచువల్ ఫండ్స్ కొత్తగా పెట్టుబడులు పెట్టాలనుకునే వారికి ఉత్తమమైనవని చెప్పవచ్చు.

గతేడాది డీఎస్‌పీ హెల్త్ కేర్ ఫండ్ రెగ్యులర్ ఏకంగా 76 శాతం రాబడిని అందించగా మీరా అసెట్ హెల్త్‌కేర్ ఫండ్ రెగ్యులర్ దాదాపు ఇదే స్థాయిలో 73 శాతం రాబడిని అందించింది. ఈ రెండు మ్యూచువల్ ఫండ్ల నెట్ అస్సెట్ వాల్యూ 19 రూపాయలు. ఐసీఐసీఐ ప్రుడెన్షియల్ ఫార్మా హెల్త్ కేర్ & యాగ్నస్టిక్స్ ఫండ్ డైరెక్ట్ ప్లాన్ 71 శాతం లాభాలను అందించగా దీని నెట్ అస్సెట్ వాల్యూ 18 రూపాయలు కావడం గమనార్హం.

ఈ మ్యూచువల్ ఫండ్స్ తో పాటు ఐసీఐసీఐ ప్రుడెన్షియల్ టెక్నాలజీ ఫండ్ గ్రోత్, యూటీఐ హెల్త్ కేర్ డైరెక్ట్ ప్లాన్ గ్రోత్ ఫండ్ కూడా అదిరిపోయే రాబడులను అందించడం గమానార్హం. గతేడాది ఈ మ్యూచువల్ ఫండ్స్ అదిరిపోయే లాభాలను అందించిన నేపథ్యంలో రిస్క్ ఉన్నా వీటిలో పెట్టుబడులు పెడితే లాభాలను పొందే అవకాశం ఉంటుంది.