బుల్లెట్ బండెక్కిన నర్సు.. మొన్న పెళ్లి కూతురు.. నేడు నర్సు.. వీడియో వైరల్..

రెండు రోజుల క్రితం పెళ్లి కూతురు బరాత్ లో బుల్లెట్ బండెక్కి వచ్చేస్తవా.. అంటూ పాటకు డ్యాన్స్ వేసి.. సోషల్ మీడియాలో పాపులర్ అయిన సంగతి తెలిసిందే. ఆమె డాన్స్‌కు సోషల్ మీడియాతో పాటు మెయిన్ స్ట్రీమ్ చానల్స్ ఫిదా అయ్యాయి. ఏ చానల్ చూసినా మొన్నటి వరకు ఆమె డ్యాన్స్ కనిపించింది. అచ్చం సింగర్ మోహన భోగరాజు వేసిన స్టెప్పులను వేస్తూ చాలామంది మహిళలు అలరిస్తున్నారు.

అయితే తాజాగా ఈ పాటకు స్వాతంత్ర్య దినోత్సవ సంబరాల్లో భాగంగా ఓ నర్సు చేసిన వీడియో సోషల్ మీడియాలో వైరల్ అయింది. అయితే ఈ డ్యాన్స్ సిరిసిల్ల జిల్లా తంగెళ్లపల్లి పీహెచ్‌కి చెందిన నర్సు డ్యాన్స్ వేసినట్లు తెలుస్తోంది. పీహెచ్ సీ లో డ్యాన్స్ వేయడంపై ఆమెపై పై అధికారులు ఆగ్రహం వ్యక్తం చేశారు.కాని స్వాతంత్య్రదినోత్సవ సంబరాల్లో భాగంగా ఆసుపత్రి కారిడార్‌లో అందరూ కూర్చుని డాన్స్ చేయడం తప్పు కాదనే వాదనను వారు తీసుకువస్తున్నారు. ఒకవేళ డ్యాన్స్ వేయాలంటే.. ఆసుపత్రి బయట వేయాలి కానీ.. ఇలా ఆసుపత్రిలో వేయడంపై శాఖాపరమైన చర్యలకు కూడా ఉపక్రమించినట్టు సమాచారం.

విధులు వదిలిపెట్టి డాన్స్ చేస్తే తప్పు కాని స్వాతంత్ర్య దినోత్సవ సంబరాల్లో భాగంగా డాన్స్ చేయడం పెద్ద తప్పుగా భావించాల్సిన అవసరం లేదని పలువురు నెటిజన్లు అంటున్నారు. అంతే కాకుండా నెటిజన్లు దీనిపై వివిధ రకాలుగా స్పందిస్తున్నారు. కోవిడ్ ఆసుపత్రిల్లో రోగుల మనో ధైర్యం కోసం అనేక చోట్ల నర్సులు పాటలు, డ్యాన్సులు చేసిన వీడియోలు కూడా అప్పుడు నెటిజన్ల ప్రశంసలు అందుకున్నప్పుడు ఇప్పుడు ఎలా తప్పు అవుతుందని కూడా నెటిజన్లు కామెంట్స్ చేస్తున్నారు.

అయితే దీనిని పాలమూరు జిల్లాకు చెందిన లక్ష్మణ్ పాట రాయగా.. సింగర్ మోహన భోగరాజు పాడటంతో పాటు డ్యాన్స్ వేసి ఆల్బమ్ ను కూడా రిలీజ్ చేశారు. మొదట్లో అంతగా ప్రాచూర్యం పొందనప్పటికీ.. మొన్న పెళ్లి కూతురు సాయి శ్రీ తన పెళ్లిలో భర్త ముందు చేయడం ఈ పాట నేపథ్యానికి అనుగుణంగా డ్యాన్స్ చేయడం కూడా నెటిజన్లను ఆకట్టుకుంది. దీంతో ఈ వీడియో తెగ వైరల్ గా మారింది.