AP: భూమి పాసుపుస్తకాలపై జగన్ బొమ్మ తొలగింపు.. సరికొత్త నిర్ణయం తీసుకున్న సీఎం!

AP: ముఖ్యమంత్రిగా జగన్మోహన్ రెడ్డి అధికారంలో ఉన్న సమయంలో భూ సర్వే నిర్వహించిన సంగతి మనకు తెలిసిందే. అయితే ఈ ల్యాండ్ టైటిలింగ్ యాక్ట్ చట్టం కేంద్రం తీసుకు వచ్చినది. అయితే ఈ చట్టంలో భాగంగా భూములను రీ సర్వే చేసి ఎవరి భూమి వారికి ఇచ్చి ఇకపై భూ వివాదాలు లేకుండా కోర్టుకు కూడా వెళ్లకుండా అక్కడే పరిష్కారం చూపించే చట్టం.

ఇలా ఏపీలో తిరిగి భూములను రీ సర్వే చేయించడమే కాకుండా కొత్తగా మంజూరు చేసిన పాస్ పుస్తకాలపై జగన్మోహన్ రెడ్డి బొమ్మ ఉండటం పట్ల తీవ్ర వ్యతిరేకత వచ్చింది. దీనినే తమకు అనుకూలంగా మార్చుకొని అప్పట్లో ప్రతిపక్షాలు పెద్ద ఎత్తున దుష్ప్రచారం చేసి మీ భూములను జగన్ లాగేసుకున్నారని అందుకే తన బొమ్మ వేశారంటూ ప్రతిపక్షాలు ప్రచారం చేశాయి.

ఇలా జగన్ ఓడిపోవడానికి ఈ ల్యాండ్ టైటిలింగ్ యాక్ట్ పట్ల దుష్ప్రచారం కూడా ఒకటని చెప్పాలి. ఇక చంద్రబాబు నాయుడు ముఖ్యమంత్రి అయిన తర్వాత ల్యాండ్ టైటిలింగ్ యాక్ట్ రద్దు చేస్తున్నట్లు సంతకం కూడా చేశారు. అంతే కాకుండా జగన్ హయాంలో సర్వేలు చేసి విడుదల చేసిన పాసు పుస్తకాలను కూడా మార్చబోతున్నట్లు తెలుస్తోంది.

రాజముద్రతో పాస్ పుస్తకాలు..
ఎవరికైతే జగన్ బొమ్మతో ఉన్న పాసు పుస్తకాలను మంజూరు చేశారో వారికి వాటి స్థానంలో కొత్త పాస్ పుస్తకాలు రాబోతున్నాయని తెలిపారు. అయితే పాస్ పుస్తకాలపై జగన్ బొమ్మ తీసివేసి అందులో ఆంధ్రప్రదేశ్ రాజముద్రను వేయబోతున్నట్లు తెలుస్తోంది. ఏది ఏమైనా ల్యాండ్ టైటిలింగ్ యాక్ట్ అనేది లేకపోయినా ఉన్నట్టు చూపించడంతో జగన్మోహన్ రెడ్డి ఓటమికి ప్రధాన కారణంగా నిలిచిందని చెప్పాలి.