YS Jagan: జగన్ ఈ ఒక్క పని చేస్తే ఈసారి అధికారం తనదే.. తండ్రిని ఫాలో కావాల్సిందేనా?

YS Jagan: వైయస్ జగన్ 2019 ఎన్నికలలో ఏకంగా 151 సీట్లతో అధికారంలోకి వచ్చిన జగన్మోహన్ రెడ్డి 2024 ఎన్నికలలో కేవలం 11 సీట్లకు మాత్రమే పరిమితం కావడంతో ఈ ఫలితాలను ఇప్పటికీ రాష్ట్రవ్యాప్తంగా వైసీపీ అభిమానులు జీర్ణించుకోలేకపోతున్నారు. ఈయన ఎన్నో సంక్షేమ పథకాలను అందించారు. అలాగే ఎన్నో అభివృద్ధి కార్యక్రమాలు చేసినప్పటికీ కూడా 11 సీట్లకు పరిమితం కావడంతో అందరూ ఒక్కసారిగా షాక్ అయ్యారు.

ఇక జగన్ ఇలా ఘోరంగా ఓటమి పాలు కావడానికి ఎన్నో కారణాలు ఉన్నాయి. ఆ కారణాలలో ఈయన కేవలం సలహాదారుడి సలహాలను నమ్మి ప్రజలకు దూరం కావటం, స్థానిక ఎమ్మెల్యేలను కూడా కలవలేని పరిస్థితిలో ఉండటం వంటి ఎన్నో ప్రధాన కారణాలు వెలుగులోకి వచ్చాయి. జగన్మోహన్ రెడ్డిని ప్రజలకు దూరం చేస్తూ సలహాదారులే ఈ రాష్ట్రాన్ని శాసించారు.

స్థానిక ఎమ్మెల్యే అయినా సరే తమ నియోజకవర్గ సమస్యలు జగన్మోహన్ రెడ్డికి చెప్పుకోవాలి అంటే అపాయింట్మెంట్ కూడా దొరకని దుస్థితి ఏర్పడింది. ఇక వాలంటీర్లను నియమించడంతో గ్రామస్థాయిలో సర్పంచులకు కూడా ప్రాధాన్యత లేకపోవడంతో సర్పంచులందరూ ఈ విషయంపై ధర్నాలు కూడా చేయడం జగన్మోహన్ రెడ్డికి వ్యతిరేకంగా మారింది. ప్రతి ఒక్క విషయం వాలంటీర్లే కావడంతో సర్పంచులకు ఏమాత్రం విలువ లేకుండా పోయింది.

రచ్చబండ కార్యక్రమం..
ఇలా సర్పంచ్లను స్థానిక ఎమ్మెల్యేలను జగన్ దగ్గరకు తీసుకొని ఆ గ్రామస్థాయిలో నియోజకవర్గ స్థాయిలో ఉన్న సమస్యలను అడిగి తెలుసుకుని ఉంటే ఈయనకు ఈ ఎన్నికలలో ఈ దుస్థితి వచ్చేది కాదు. తన తండ్రిలాగా రచ్చబండ కార్యక్రమం నిర్వహించి గ్రామాలకు వెళ్లి ప్రజా సమస్యలను తెలుసుకొని ఉంటే జగన్మోహన్ రెడ్డికి ఈ పరిస్థితి వచ్చేది కాదు. ఇకనైనా జగత్ తన తండ్రిని ఫాలో అయితే వచ్చే ఎన్నికలలో అధికారం అందుకోవచ్చు లేదంటే ఆయనకు ప్రతిపక్ష హోదాని మిగులుతుందని పలువురు రాజకీయ విశ్లేషకులు కూడా వారి అభిప్రాయాలను తెలియపరుస్తున్నారు.