Pawan Kalyan: చెప్పులు వేసుకుని అమ్మవారి దీక్ష చేయడం ఏంటి మంత్రి గారు…ఇది తగునా?

Pawan Kalyan: సినీ నటుడు ఆంధ్రప్రదేశ్ ఉప ముఖ్యమంత్రి పవన్ కళ్యాణ్ అధికారంలోకి వచ్చిన తర్వాత ఇటీవల వారాహి అమ్మవారి దీక్ష వేసుకున్న సంగతి మనకు తెలిసిందే. 11 రోజులపాటు పవన్ కళ్యాణ్ ఈ దీక్షలోనే ఉండబోతున్నారు. ఈ క్రమంలోనే ఆయన వేషధారణ మొత్తం మార్చేసారు. పసుపు రంగు దుస్తులను ధరించిన నుదుటున బొట్టు పెట్టుకొని కనిపించారు. అంతేకాకుండా ఈ 11 రోజులు ఎలాంటి ఆహార పదార్థాలను తీసుకోకుండా కేవలం పండ్లు,ద్రవపదార్థాలను మాత్రమే తీసుకోబోతున్నట్లు తెలిపారు.

ఈ విధంగా పవన్ కళ్యాణ్ వారాహి అమ్మవారి దీక్ష వేసుకోవడంతో ఈయనకు ఉన్న భక్తి భావం చూసి ఎంతోమంది ఫిదా అయ్యారు. అయితే అమ్మవారి దీక్ష వేసుకున్న పవన్ కళ్యాణ్ ప్రస్తుతం వివాదంలో చిక్కుకున్నారు. సాధారణంగా దీక్షలో ఉన్నవారు చెప్పులు వేసుకోరు కానీ పవన్ కళ్యాణ్ చెప్పులు వేసుకుని కనిపించడంతో పెద్ద ఎత్తున విమర్శలను ఎదుర్కొంటున్నారు.

ఇలా చెప్పులు వేసుకుని అమ్మవారి దీక్షలో ఉండటం ఏంటి మంత్రి గారు అంటూ విమర్శలు కురిపిస్తున్నారు. ఇక ఈ విషయంపై వైసీపీ నేతలు కూడా స్పందిస్తున్నారు.పవన్ కల్యాణ్ చెప్పులు ధరించి దీక్ష చేయడం హిందువులను కించ పరచడమనే అభిప్రాయం వ్యక్తం అవుతోంది. దీనిపై వైసీపీ నేతలు మండిపడుతున్నారు. ఎన్నికల సమయంలో హిందూమతం గురించి గొప్పగా చెప్పిన పవన్ కల్యాణ్‌కు చెప్పులు వేసుకుని దీక్ష చేయకూడదనే విషయం కూడా తెలియకపోవడం ఆయన అవివేకానికి నిదర్శనం పవన్‌పై ఆగ్రహం వ్యక్తం చేస్తున్నారు.

బీజేపీని మెప్పించడానికా..

ఇక ఈ విషయంపై నటి శ్రీరెడ్డి కూడా స్పందించారు. పవన్ కళ్యాణ్ దీక్షలో ఉండి చెప్పులు వేసుకున్న ఫోటోని ఆమె షేర్ చేసి బీజేపీని మెప్పించడానికా? చెప్పుతో దీక్షలు.. వాట్ ఏ హిందూ ఫాలోవర్ అంటూ నవ్వుతున్న ఎమోజీలను షేర్ చేశారు. ప్రస్తుతం ఈయన ఫోటో వైరల్ గా మారడంతో పలువురు ట్రోల్స్ చేస్తున్నారు.

https://x.com/SriReddyTalks/status/1805579679870730342?ref_src=twsrc%5Etfw%7Ctwcamp%5Etweetembed%7Ctwterm%5E1805579679870730342%7Ctwgr%5E216c27810df409328d8d8b27b8eb996411a2338d%7Ctwcon%5Es1_&ref_url=https%3A%2F%2Ftelugu.oneindia.com%2Fnews%2Fandhra-pradesh%2Fcontroversy-over-minister-pawan-kalyan-varahi-deeksha-wearing-sandals-392923.html