తెలుగు సినిమా ఇండస్ట్రీలో పవర్ స్టార్ పవన్ కళ్యాణ్ కి ఉన్న క్రేజ్ గురించి ప్రత్యేకంగా చెప్పాల్సిన పనిలేదు.కొంతకాలం విరామం తర్వాత సినిమా ఇండస్ట్రీలో వరుస సినిమాలతో దూసుకుపోతున్న పవన్ కళ్యాణ్ ప్రస్తుతం సాగర్ కే చంద్ర దర్శకత్వంలో ఓ సినిమాలో నటిస్తున్నారు.ఇందులో పవర్ స్టార్ పవన్ కళ్యాణ్ తో పాటు రానా దగ్గుబాటి పవర్ ఫుల్ పాత్రలో నటిస్తున్నారు.

ఈ సినిమాలు పవన్ కళ్యాణ్ ఒక పవర్ ఫుల్ పోలీస్ ఆఫీసర్ పాత్రలో నటిస్తున్నారు. ఇందులో పవర్ స్టార్ పవన్ కళ్యాణ్ భీమ్లా నాయక్ పాత్రలో కనిపించగా సినిమా టైటిల్ కూడా ఇదే ఉంటుందని పలువురు అభిప్రాయం వ్యక్తం చేశారు. ఎట్టకేలకు ఈ సినిమా టైటిల్ “భీమ్లా నాయక్” అంటూ చిత్రబృందం ఆదివారం ఉదయం తెలియజేయడంతో మెగా అభిమానులు సంతోషం వ్యక్తం చేస్తున్నారు.

ఇప్పటి వరకు ఈ సినిమాకు సంబంధించిన పవన్ కళ్యాణ్ లుక్, మేకింగ్ వీడియోను విడుదల చేశారు. తాజాగా ఆగస్టు 15 సందర్భంగా ఈ సినిమా నుంచి ఫస్ట్ గ్లింప్ విడుదల చేశారు. ఇందులో పవర్ స్టార్ మాస్ లుక్ లో లుంగీ కట్టీ “ఒరేయ్‌ డేనీ.. బయటకు రారా.. ” అంటూ పవర్‌స్టార్‌ పవర్‌ఫుల్‌ ఎంట్రీ అభిమానులకు కిక్కేకిస్తోందని చెప్పవచ్చు. ఇందులో . ‘డేని.. డేనియల్‌ శేఖర్‌’అని రానా చెప్పగా… భీమ్లా ..భీమ్లా నాయక్ అంటూ పవర్ స్టార్ చెప్పిన డైలాగులు కేక పుట్టిస్తున్నాయి.

ఈ క్రమంలోనే ఈ గ్లింప్ విడుదల చేస్తూ ఈ సినిమాకు “భీమ్లానాయక్” అనే టైటిల్ ను ఖరారు చేసినట్లు చిత్ర బృందం అధికారికంగా వెల్లడించారు.సితార ఎంటర్‌టైన్‌మెంట్స్‌ పతాకంపై నాగవంశీ నిర్మిస్తున్న ఈ చిత్రంలో ఐశ్వర్య రాజేష్, నిత్యమీనన్ హీరోయిన్లుగా నటిస్తున్నారు. ఈ సినిమాకు ఎస్ఎస్ తమన్ సంగీతం అందిస్తున్నారు.ప్రస్తుతం షూటింగ్ పనులు శరవేగంగా జరుపుకుంటున్న ఈ చిత్రం వచ్చే ఏడాది సంక్రాంతి కానుకగా ప్రేక్షకుల ముందుకు రానుంది.