Ping pong Surya : ఉల్లాసంగా ఉత్సాహంగా హీరో ఎలా ఉండేవాడంటే.. ఆయన చనిపోవడానికి కారణం.. : పింగ్ పాంగ్ సూర్య

Ping pong Surya : ‘తపన’ సినిమాతో తెలుగులో పరిచయమైన పింగ్ పాంగ్ సూర్య రాజమౌళి ‘సై’ సినిమా తో మంచి పేరు తెచ్చుకున్నాడు. ఆ సినిమా విజయంతో ఇండస్ట్రీలో మంచి అవకాశాలను అందుకుని హీరో ఫ్రెండ్స్ క్యారెక్టర్ లను చేస్తూ కేరర్ నిర్మించుకున్న సూర్య సై సినిమా తరువాత పింగ్ పాంగ్ సూర్య గా బాగా గుర్తింపు తెచ్చుకున్నాడు. ఇక చిరంజీవి గారి సినిమా ‘జై చిరంజీవ’ లో చిన్న పాత్ర చేసిన మంచి పేరు వచ్చింది. రాజమౌళి, చంద్ర సిద్ధార్థ, కరుణాకరణ్ వంటి దిగ్గజ దర్శకులతో పనిచేసిన సూర్య తన సినిమా కష్టాలను, అలాగే డైరెక్టర్స్ దగ్గర తాను నేర్చుకున్న విషయాలను ఇటీవల ఇంటర్వ్యూలో పంచుకున్నారు.

ఉల్లాసంగా ఉత్సాహంగా హీరో అలా ఉండేవాడు…

కన్నడ ప్రొడ్యూసర్ కొడుకు యశో సాగర్ ను సినిమా ఇండస్ట్రీకి పరిచయం చేస్తూ తొలిప్రేమ సినిమా డైరెక్టర్ కరుణాకరణ్ దర్శకత్వం లో వచ్చిన సినిమా ‘ఉల్లాసంగా ఉత్సాహంగా’. ఈ సినిమాలో స్నేహ ఉల్లాల్ హీరోయిన్ గా నటించింది. ఈ సినిమాలో హీరో స్నేహితుడి పాత్రలో పింగ్ పాంగ్ సూర్య నటించారు.

యశో సాగర్ యాక్సిడెంట్ లో మరణించిన సంగతి అందరికీ తెలిసిందే. ఇక ఆయన గురించి సూర్య మాట్లాడుతూ చాలా సైలెంట్ గా డైరెక్టర్ చెబుతే మళ్ళీ దాన్ని ప్రాక్టీస్ చేసుకుంటూ చాలా డెడికేటెడ్ గా పనిచేసేవాడు. ఇక అసలు ఎలాంటి చెడు అలవాట్లు ఏవీ లేవు అంటూ చెప్పారు. మందు అలవాటు, కనీసం సిగరెట్ అలవాటు కూడా లేదు అంటూ చెప్పారు. ఇలాంటి మంచి వ్యక్తి చిన్న వయసులోనే అది కూడా యాక్సిడెంట్ కారణంగా చనిపోవడం చాలా బాధాకరం అని చెప్పాడు.