Raviteja Mother: హీరో రవితేజ తల్లి రాజ్యలక్ష్మి పై పోలీస్ కేసు నమోదు.. ఎందుకంటే?

Raviteja Mother: టాలీవుడ్ మాస్ మహారాజా రవితేజ తల్లి భూపతి రాజ్యలక్ష్మి పై పోలీసులు కేసు నమోదు చేశారు. ఈ క్రమంలోనే రవితేజ తల్లి పై పోలీస్ కేసు నమోదు కావడంతో ఈ విషయం ప్రస్తుతం చర్చనీయాంశంగా మారింది.అసలు ఎప్పుడూ వార్తలలో కూడా వినిపించని ఈమె పై పోలీసులు ఎందుకు కేసు నమోదు చేసారనే విషయం గురించి పెద్ద ఎత్తున ఆరా తీస్తున్నారు.

ఈ క్రమంలోనే రవితేజ తల్లి రాజ్యలక్ష్మితో పాటు మర్రి పాకకు చెందిన సంజయ్ అనే వ్యక్తి పై కూడా పోలీసులు కేసు నమోదు చేశారు. ఇలా వీరి పై పోలీసులు కేసు నమోదు చేయడానికి గల కారణం ఏమిటి అనే విషయానికి వస్తే…

తూర్పు గోదావరి జిల్లా జగ్గంపేట మండలం రామవరం వద్ద ఉన్న సర్వే నంబర్ 108, 124లో పుష్కర కాలవ స్లూయిజ్ నిర్మాణ పనులను రవితేజ తల్లి రాజ్యలక్ష్మితో పాటు సంజయ్ అనే వ్యక్తి ఆ నిర్మాణ పనులను ధ్వంసం చేశారని పోలీసులు వారిపై కేసులు నమోదు చేశారు.

అనుమతి లేకుండా ధ్వంసం చేసినందుకే..

ఈ విధంగా ప్రభుత్వ ఆస్తులను అధికారుల అనుమతి లేకుండా ఇష్టానుసారంగా వీరు నాశనం చేయడంతో పోలీసులు పోలీస్ కేసు నమోదు చేసినట్లు తెలుస్తోంది.రవితేజ తల్లి ప్రస్తుతం తూర్పుగోదావరి జిల్లాలో ఉన్నారు. అయితే ఈ సంఘటనకు సంబంధించిన పూర్తి వివరాలు తెలియాల్సివుంది. మరి రవితేజ తల్లి పై పోలీస్ కేసు పెట్టడంతో హీరో రవితేజ ఏవిధంగా స్పందిస్తారో తెలియాల్సి ఉంది.