పూజా హెగ్డే తనకు ఒక్కడికే స్పెషల్ అనుకున్నా.. కానీ: అల్లు అర్జున్..

దక్షిణాది చిత్రపరిశ్రమతోపాటు బాలీవుడ్‌లోనూ వరుస సినిమాలు చేస్తూ మోస్ట్‌ బిజీ హీరోయిన్‌గా మారుతున్నారు కథానాయిక పూజాహెగ్డే. ఇప్పటికే ఆమె నటించిన సినిమా మోస్ట్‌ ఎలిజిబుల్‌ బ్యాచిలర్‌ విడుదల అయి మంచి టాక్ తెచ్చుకుంది. దీంతో ఆమె గ్రాఫ్ మరింతగా పెరిగిందనే చెప్పాలి. బొమ్మరిల్లు భాస్కర్ తెరకెక్కించిన రొమాంటిక్ ఫ్యామిలీ ఎంటర్టైనర్ చిత్రం మోస్ట్ ఎలిజిబుల్ బ్యాచిలర్.

అఖిల్ అక్కినేని, పూజా హెగ్డే జంటగా దసరా కానుకగా అక్టోబర్ 15న విడుదలైన ఈ సినిమాకి అద్భుతమైన కలెక్షన్లు వస్తున్నాయి. పండగ సీజన్ ను క్యాష్ చేసుకుని వసూళ్ల వర్షం కురిపిస్తుంది మోస్ట్ ఎలిజిబుల్ బ్యాచిలర్. తాజాగా ఈ సినిమాకు సంబంధించిన ప్రమోషన్ కార్యక్రమాలు మరింత వేగంగా జరుగుతున్నాయి.

ఇప్పటికే వైజాగ్ లో థాంక్స్ మీట్ ఏర్పాటు చేశారు మేకర్స్. తర్వాత హైదరాబాద్ లో సక్సెస్ మీట్ ఏర్పాటు చేశారు. దీనికి ముఖ్య అతిథిగా ఐకాన్ స్టార్ అల్లు అర్జున్ పాల్గొన్నారు. అతడు మాట్లాడుతూ.. ‘‘తనకు ఒక్కరికే పూజా హెగ్డే ప్రత్యేకం అనుకున్నా.. కానీ అందరి హీరోలకీ స్పేషలే’’ అంటూ చెప్పుకొచ్చాడు. అఖిల్ కు మంచి హిట్ లభించిందని.. తనకు అతడు తమ్ముడు లాంటివాడు అంటూ చెప్పాడు. మంచి కథాంశాన్ని ఎంచుకున్నాడని కితాబిచ్చాడు.

అంతే కాకుండా లవ్ స్టోరీ సినిమాతో హిట్ కొట్టిన నాగచైతన్యకు కూడా శుభాకాంక్షలు తెలియజేశాడు. ముకుంద సినిమా నుంచి పూజా హెగ్డే వైవిద్యమైన కథలతో ముందుకు వెళ్తోంది అంటూ చెప్పాడు. ఈ చిత్రంతో ఆమె మరో అడుగు ముందుకు వేసిందని చెప్పాడు. ఆమె ఏ హీరోతో నటించినా హిట్ గ్యారెంటీ అంటూ చెప్పుకొచ్చాడు.