బాలీవుడ్ లో ఛాన్స్ కొట్టేసిన జగపతిబాబు.. హీరో ఎవరో తెలుసా..?

ఒకప్పుడు తెలుగు సినీ పరిశ్రమలో ఫ్యామిలీ హీరోగా గుర్తింపు తెచ్చుకున్న హీరో జగపతిబాబు. నందమూరి బాలకృష్ట హీరోగా నటించిన లెజెండ్ చిత్రంతో విలన్ గా అవతారమెత్తాడు జగపతి బాబు. ఆ సినిమాతోనే విలన్ గా అతడు మంచి గుర్తింపు తెచ్చుకున్నాడు.

ఆ తర్వాత ఎన్నో సినిమాల్లో సపోర్టింగ్ క్యారెక్టర్ గా చేశాడు. హీరోగా హిట్ టాక్ తెచ్చుకున్న సినమాల కంటే కూడా.. అతడికి విలన్ గా ఎన్నో హిట్ లను కొట్టేశాడు. తర్వాత తండ్రి పాత్రలో కూడా నటిస్తూ మంచి పేరు తెచ్చున్నాడు.

విలన్ గా మారిన తర్వాత ఫుల్ బిజీ అయిన టాలెంటెడ్ యాక్టర్ నెక్ట్స్ స్టెప్ హిందీ తెర మీదకి వేయబోతున్నాడు. అంతే కాదు జగపతిబాబు నెగెటివ్ రోల్ లో కనిపించబోయే అతి పెద్ద ప్రాజెక్టు కూడా ఇదే. జగపతి బాబు నెగటివ్ రోల్‌లో కనిపించబోయే భారీ బాలీవుడ్ మూవీలో హీరోయిన్‌గా రకుల్ ప్రీత్ అలరించనుంది. ఇక హీరోగా మల్టీ టాలెంటెడ్ యాక్టర్ ఫర్హాన్ అఖ్తర్ కనిపించనున్నాడు.

ఆయన పాత్ర ఒక ఫారెస్ట్ ఆఫీసర్‌గా తెర మీద పోరాడనుందట. ఈ సినిమాకు ‘పుకార్‌’ అనే టైటిల్‌ ప్రచారంలో ఉంది. దీనికి అశుతోష్ గోవికల్ దర్శకత్వం వహిస్తున్నారు. డిసెంబర్‌లో ఈ చిత్రం సెట్స్‌పైకి వెళ్లనుంది. రానున్న రోజుల‌లో జ‌గ‌ప‌తి బాబు హిందీ సినిమాల‌తోను బిజీ కానున్న‌ట్టు తెలుస్తోంది. మొదటి నుంచి హిందీలో ఆఫర్లు వస్తున్నా అతడు రిజెక్ట్ చేస్తూ వచ్చాడు. తాజాగా ఈ సినిమాకు అతడు ఓకె చేసినట్లు తెలుస్తోంది.