Poorna : ఘనంగా ఎంగేజ్మెంట్ చేసుకున్న పూర్ణ… ఫోటోలు వైరల్..!

Poorna : తెలుగులో శ్రీహరి ప్రధాన పాత్రలో నటించిన శ్రీమహాలక్ష్మి సినిమా ద్వారా పరిచయం అయిన పూర్ణ, తరువాత వచ్చిన సీమాటపాకాయ, అవును, సినిమాలలో నటించి ప్రేక్షకులకు చేరువ అయ్యింది. అయితే ఎక్కువసకాలం హీరోయిన్ అవకాశాలు రాకపోయేటప్పటికి క్యారెక్టర్ ఆర్టిస్ట్ గా స్థిరపడింది ఈ మళయాలి భామ. ఈటీవీలో ప్రసారం అవుతున్న ఢీ ప్రోగ్రాం జడ్జిగా కూడా వ్యవహారించి తెలుగు ప్రేక్షకులకు చేరువ అయ్యింది. ఇపుడు శ్రీదేవి డ్రామా కంపెనీ లో మెరుస్తోంది. ఇక తాజాగా పూర్ణ దృశ్యం 2, సిల్లీ ఫెలోస్, అఖండ, లలో మంచి పాత్రలలో నటించి విజయాలను సొంతం చేసికుంది.

ఇక పూర్ణ ఈ మధ్యనే పెళ్లి చేసుకోబోతున్నాను అని ప్రకటించిన విషయం తెలిసిందే. పూర్ణ యూఏఈ కి చెందిన బిజినెస్ మ్యాన్ షానిద్ అసిఫ్ అలీని పెళ్లి చేసుకోబోతున్నట్లు ప్రకటించి అందరిని షాక్ కి గురించేసింది. అయితే పూర్ణ – అసిఫ్ ల ఎంగేజ్మెంట్ నిన్న కేరళలో ఘనంగా జరిగింది.

నేను నా ఈ ఫొటోలతో ప్రేమలో పడ్డాను…

నిన్న జరిగిన తన నిశ్చితార్థానికి సంబంధించిన ఫోటోలను పూర్ణ సోషల్ మీడియా ద్వారా అభిమానులతో పంచుకుంది. నేను నా ఎంగేజ్మెంట్ ఫొటోలతో ప్రేమలో పడ్డాను. నా జీవితంలోని అందమైన క్షణాలను బంధించినందుకు ధన్యవాదాలు అంటూ క్యాప్షన్‌ తో పూర్ణ తన నిశ్చితార్థం ఫొటోలు, వీడియో తన ఇన్‌ స్టా గ్రామ్‌ లో పోస్ట్‌ చేసింది. ప్రస్తుతం ఈ ఫోటోలు వీడియోలు వైరల్ అవుతున్నాయి.

షెమీ అఫీషియల్ వారు ప్రత్యేకంగా డిజైన్ చేసిన డ్రెస్ లో చాలా అందంగా కనిపిస్తుంది పూర్ణ. అయితే పూర్ణ చేసుకోబోయే అసిఫ్ అలీ జేబీఎస్ గ్రూప్ ఆఫ్ కంపెనీలకు సీఈఓ, ఫౌండర్ మాత్రమే కాదు, జమా అల్ మెహరి అనే సంస్థని స్థాపించి… కొత్తగా యూఏఈ లో వ్యాపారం ప్రారంభించాలనుకునే వారికి అవసరమైన సర్వీసును అందిస్తారు. అంతేకాకుండా యూఏఈ మన సెలబ్రిటీలకు గోల్డెన్ వీసా అందించడంలో కూడా ప్రముఖ పాత్ర పోషిస్తున్నారు.