పోస్టాఫీస్ సూపర్ స్కీమ్… నెలకు రూ.1000తో 70,000 పొందే ఛాన్స్..?

ఈ మధ్య కాలంలో బ్యాంకులకు ధీటుగా పోస్టాఫీసులు సైతం కస్టమర్ల కోసం అదిరిపోయే ఆఫర్లను అందుబాటులోకి తెస్తున్నాయి. కొత్త కొత్త సేవింగ్ స్కీమ్ ల ద్వారా ఖాతాదారులకు ప్రయోజనం చేకూరేలా చేస్తున్నాయి. తక్కువ మొత్తంలో పెట్టుబడి పెట్టి ఎక్కువ మొత్తంలో రాబడి ఆశించే వాళ్లకు ఈ స్కీమ్ ల ద్వారా ప్రయోజనం కలగనుంది. పోస్టాఫీసులు అందించే ఉత్తమమైన స్కీమ్ లలో రికరింగ్ డిపాజిట్ స్కీమ్ ఒకటి.

ప్రతి నెలా నచ్చిన మొత్తంలో డబ్బులను సేవ్ చేసుకునే అవకాశాన్ని పోస్టాఫీస్ లు కల్పిస్తున్నాయి. స్మాల్ సేవింగ్స్ స్కీమ్ లలో పెట్టుబడులు పెట్టడం వల్ల రిస్క్ కూడా ఉండదు. 100 రూపాయల నుంచి ఎంత మొత్తమైనా ఈ ఖాతాలో డిపాజిట్ చేయవచ్చు. ఐదేళ్ల లాకిన్ పీరియడ్ ఉండే రికరింగ్ డిపాజిట్ ఖాతాకు మూడు నెలలకు ఒకసారి వడ్డీ లభిస్తుంది. సామాన్య, మధ్య తరగతి వర్గాల వాళ్లకు ఈ స్కీమ్ ద్వారా ప్రయోజనం చేకూరుతుంది.

ఉదాహరణకు ప్రతి నెలా 1,000 రూపాయల చొప్పున 5 సంవత్సరాల పాటు డిపాజిట్ చేస్తే ఐదు సంవత్సరాల తరువాత ఏకంగా 70,000 రూపాయలు పొందే అవకాశం ఉంటుంది. ప్రతి నెల చివరి వారంలో పోస్టాఫీస్ రికరింగ్ డిపాజిట్ స్కీమ్ లో నగదును జమ చేయవచ్చు. పోస్టాఫీస్ లో జమ చేసిన రికరింగ్ డిపాజిట్ పై టీడీఎస్ కూడా పడదు. పోస్టాఫీస్ రికరింగ్ డిపాజిట్ స్కీమ్ ద్వారా మరికొన్ని ప్రయోజనాలు కూడా కలుగుతాయి.

ఎవరైనా డబ్బులు అవసరం అనుకుంటే స్కీమ్ ను ప్రారంభించిన ఏడాది తరువాత నగదును 50 శాతం విత్ డ్రా చేసుకునే అవకాశం ఉంటుంది. అయితే డబ్బులను విత్ డ్రా చేసుకోవడం ద్వారా కాంపౌండింగ్ బెనిఫిట్ ప్రయోజనాన్ని కోల్పోయే అవకాశం ఉంటుంది. అలా చేయడం వల్ల మెచ్యూరిటీ సమయంలో ఎక్కువగా డబ్బులను పొందలేరు.