ఆటో డ్రైవర్లకు ప్రణీత సాయం !! హీరోయిన్ ప్రణిత మంచి మనసుకు సలాం చేయాల్సిందే..

కరోనా నేపథ్యంలో లాక్ డౌన్ కారణంగా ఎన్నో ఇబ్బందులకు గురవుతున్నారు ప్రజలు. ఇటీవలే రవాణా వ్యవస్థను పునః ప్రారంభించిన విషయం తెలిసిందే. ఈనేపధ్యంలో హీరోయిన్ ప్రణీత ఆటో డ్రైవర్ల కోసం తనవంతు సాయం చేస్తుంది. ఇదివరకే ఎన్ని సేవా కార్యక్రమాలలో పాల్గొంది. ఈ కరోనా విపత్కర సమయంలో టాప్ హీరోయిన్లు అందరికంటే ఎక్కువగా ప్రజలకు సేవ చేస్తూ శెభాష్ అనిపించుకుంటుంది హీరోయిన్ ప్రణీత. ఇటీవలే పేదలకు తానే స్వయంగా వంట చేసి పంచిన విషయం తెలిసిందే.

తాజాగా ఆమె ఆటో డ్రైవర్ల కోసం సాయం చేయడానికీ ముందుకు వచ్చారు. లాక్ డౌన్ నేపథ్యంలో కేంద్రం ఇచ్చిన సడలింపులతో బెంగళూరు నగరంలో ఆటోలు తిరగడం ప్రారంభమయ్యాయి. ఈ క్రమంలో వారి ఆరోగ్యాన్ని దృష్టిలో పెట్టుకుని డ్రైవర్స్ ను, కస్టమర్స్ ను వేరు చేసేలా షీట్స్ ను తానే స్వయంగా పంచింది. ఈ షీట్స్ తో పాటుగా శానిటైజర్స్ కూడా పంపిని చేసింది ప్రణీత. సుమారు 100 మంది ఆటో డ్రైవర్లకు వీటిని పంచడం జరిగింది.

ఈ సందర్భంగా ఆమె మాట్లాడుతూ “నగరంలో ఆటోలు తిరుగుతున్నాయి. ఇలాంటి పరిస్థితుల్లో మంచి ఆరోగ్య వాతావరణం పాటించాల్సిన అవసరం చాలా ఉంది ” అని అన్నారు. అయితే ప్రస్తుతం ప్రణీత ఆటో డ్రైవర్లకు షీట్లు పంచిన వీడియో, ఫోటోలు సోషల్ మీడియాలో వైరల్ అవుతున్నాయి. ఆమె చేస్తున్న ఈ మంచి పనులకు ఫిదా అయిపోతున్నారు నెటిజన్లు.