Priyanka Jawalkar: క్రికెటర్ తో ప్రేమలో ఉన్న ప్రియాంక జవాల్కర్.. ఫోటో వైరల్!

Priyanka Jawalkar: ఆంధ్రప్రదేశ్ అనంతపురం జిల్లాకు చెందిన ప్రియాంక జవాల్కర్ సినిమాపై ఇష్టంతో పదవ తరగతి పూర్తి చేసుకున్న అనంతరం ఫ్యాషన్ ఇనిస్టిట్యూట్లో చేరి ఇండస్ట్రీలోకి అడుగు పెట్టారు. ఈ క్రమంలోనే 2017 వ సంవత్సరంలో కలవరం ఆయె సినిమా ద్వారా తెలుగు ప్రేక్షకులకు పరిచయమైన ఈ ముద్దుగుమ్మ తదుపరి చిత్రం విజయ్ దేవరకొండ సరసన నటించారు.

విజయ్ దేవరకొండ హీరోగా తెరకెక్కిన టాక్సీవాలా చిత్రంలో ప్రియాంక జవాల్కర్ సందడి చేస్తూ ఎంతోమంది కుర్రకారులకు అభిమాన హీరోయిన్ గా మారిపోయారు. ఇలా ఈమె రెండు సినిమాలతో ఎంతో మంచి గుర్తింపు సంపాదించుకోవడంతో తనకు విపరీతమైన ఫ్యాన్ ఫాలోయింగ్ పెరిగిపోయింది.

ఇలా ఒక వైపు సినిమాలలో నటిస్తూనే సోషల్ మీడియాలో గ్లామరస్ ఫోటోలను షేర్ చేస్తూ పెద్దఎత్తున అభిమానులను సంపాదించుకున్నారు. ఇకపోతే గత కొంత కాలం నుంచి ఈమె క్రికెటర్ వెంకటేష్ అయ్యర్ తో ప్రేమలో ఉన్నారని పెద్ద ఎత్తున వార్తలు వస్తున్నాయి. గతంలో ఈమె సోషల్ మీడియా వేదికగా ఒక ఫోటోని షేర్ చేయడంతో వెంకటేష్ క్యూట్ అంటూ కామెంట్ చేశారు.

ఈ క్రమంలోనే వీరిద్దరి మధ్య ఏదో రిలేషన్ ఉందంటూ పెద్ద ఎత్తున వార్తలు షికార్లు చేశాయి. ఇకపోతే తాజాగా ఈమె సోషల్ మీడియా వేదికగా మరికొన్ని ఫోటోలను షేర్ చేయడంతో ఈ వార్తలకు మరింత బలం చేకూరింది. ట్రెడిషనల్ డ్రెస్ లో ప్రియాంక ఒక వ్యక్తితో రెస్టారెంట్లో కూర్చుని సరదాగా ముచ్చట్లు పెట్టుకున్నారు.అయితే ఆ వ్యక్తి మొహం కనపడకుండా వెనుక నుంచి తీసిన ఫోటోలను సోషల్ మీడియాలో షేర్ చేస్తూ మై లవ్ అంటూ హార్ట్ సింబల్ ఎమోజి షేర్ చేశారు.

మై లవ్ అంటూ ఫోటోలు షేర్ చేసిన ప్రియాంక…

ఈ క్రమంలోనే ఈ ఫోటో సోషల్ మీడియాలో వైరల్ గా మారడంతో ఎంతో మంది నెటిజన్లు ఈ ఫోటో పై కామెంట్ చేస్తూ వెనుక నుంచి అతనిని చూస్తుంటే వెంకటేష్ అయ్యర్ లాగే పెద్ద ఎత్తున కామెంట్లు చేస్తున్నారు. ప్రస్తుతం ప్రియాంక షేర్ చేసిన ఈ ఫోటో నెట్టింట వైరల్ అవుతుంది.మరి ఈమె నిజంగానే అతనితో ప్రేమలో ఉందా లేదా అనే విషయం తెలియాలంటే అధికారికంగా ప్రకటన వచ్చే వరకు వేచి చూడాలి ఏది ఏమైనా ఈ ఫొటోలతో ప్రియాంక ప్రస్తుతం వార్తల్లో నిలిచారు.