Pruthvi : ప్రేమించాను నిన్నే సినిమా షూటింగ్ అప్పుడు నేను చనిపోవాల్సింది… చావును చూసి వెనక్కి వచ్చాను : పృథ్వీ

Pruthvi : సినిమాలతో మొదలు పెట్టి సీరియల్స్ లోకి వెళ్లి తమిళ సీరియల్స్ తో బాగా ఫేమస్ అయిన పృథ్వీ తెలుగులో మాత్రం ‘పెళ్లి’ సినిమాతో వచ్చిన ఫేమ్ వల్ల పెళ్లి పృథ్వీగా పేరు తెచ్చుకున్నాడు. ఇక ఆ తరువాత అడపాదడపా సినిమాలు చేసినా మళ్ళీ సమర సింహ రెడ్డి, మన్మధుడు, చెన్నకేశవ రెడ్డి వంటి సినిమాలతో మంచి పేరు తెచ్చుకున్నాడు. హీరోగానే నటించాలనే నియమేమి పెట్టుకోకుండా ఇతర హీరోల సినిమాలలో కూడా నటించాడు పృథ్వీ. ఇక సినిమా షూటింగ్ లో తనకు జరిగిన అనుభవాలు అలాగే సినిమా ఇండస్ట్రీలో తనకు గాడ్ ఫాదర్ ఎవరు అనే విషయాన్ని పృథ్వీ గారు పంచుకున్నారు.

ఆ రోజు చనిపోయానని అనుకున్నాను…

పెళ్లి సినిమా తరువాత వారుస అవకాశాలు వస్తాయని అనుకుంటే ఒక్క అవకాశం కూడా రాకపోయే సరికి ఈ సినిమా పోయిందని అనుకున్నాను. అయితే అందరూ ఫోన్ చేసి సినిమా మీ వల్లే హిట్ అయింది అంటుంటే నాకు తెలుగు అర్థం కాక పోయింది అనుకున్నాను. ఇక మూడు నెలల తరువాత వరుస అవకాశాలు రావడంతో అపుడు అర్థమైంది సినిమా పెద్ద హిట్ అయింది అని. ఇక ఒక నెల రోజుల్లో దాదాపు 200 సినిమా అవకాశాలు వచ్చాయి.

ఇక అలా వచ్చిన ‘ప్రేమించాను నిన్నే’ అనే సినిమా చేయగా ఆ సినిమా షూటింగ్ లో నీళ్లలోకి అనుకోకుండా పడిపోవడం వల్ల సుడిగుండం లో చిక్కుకున్నాను ఆ సమయంలో చనిపోతానని అనుకున్నాను. ఫైట్ మాస్టర్స్ నన్ను కాపాడి హాస్పిటల్ తీసుకెళ్ళాక అక్కడ డాక్టర్ చెప్తుంటే అర్థమైంది చావు అంచుల వరకు వెళ్లి వచ్చాను అని. ఇక అప్పటి నుండి నీళ్ళ వల్ల ఫోబియా వచ్చింది. నీళ్లు చూసినా, సౌండ్ విన్నా కూడా భయం వేస్తుంది. ఇక రోడ్డు క్రాస్ చేయాలన్నా, ఎత్తు లో నిలబడాలన్నా కూడా నాకు భయం అంటూ తనకున్న ఫోబియాలా గురించి చెప్పారు పృథ్వీ.