Poori Jagannath: గత కొన్ని సంవత్సరాల నుంచి సినిమా టైటిల్ విషయంలో ఎంతో మంది ఎన్నో సార్లు గొడవలు పడిన సందర్భాలు ఉన్నాయి. ఓకే సినిమా టైటిల్స్ తో ఎన్నో సినిమాలు రావడంతో చివరికి సినిమా టైటిల్ మార్చుకోవాల్సిన పరిస్థితులు ఏర్పడినాయి. ఇలా గత కొన్ని సంవత్సరాల నుంచి సినిమా టైటిల్ విషయంలో ఏదో ఒక వివాదం వస్తూనే ఉంది.
అయితే ఇకపై ఇలాంటి వివాదాలు లేకుండా దర్శకుడు పూరీజగన్నాథ్ సరికొత్త ఆలోచన చేశారు.అసలు విషయం ఏమిటంటే పూరి జగన్నాథ్ తన డ్రీమ్ ప్రాజెక్ట్ గా ఉన్నటువంటి జనగణమన సినిమాని ఎన్నో సంవత్సరాల క్రితం మహేష్ బాబుతో చేయాలని భావించారు. అయితే ఈ సినిమా మహేష్ బాబుతో చేయటానికి వీలు పడలేదు.
ఈ క్రమంలోనే పూరి జగన్నాథ్ దర్శకత్వంలో పాన్ ఇండియా స్థాయిలో విజయ్ దేవరకొండ హీరోగా లైగర్ సినిమాని తెరకెక్కిస్తున్నారు.ఇక ఈ సినిమా షూటింగ్ పూర్తయిన తర్వాత పూరి జగన్నాథ్ విజయ్ దేవరకొండతో తన డ్రీమ్ ప్రాజెక్ట్ జనగణమన చేయాలని భావించారు. ఈ క్రమంలోనే ఈ సినిమాని అనౌన్స్ చేసిన తరువాత పూరికి మరోసారి టైటిల్ సమస్య తప్పలేదు.
ఇప్పటికే జనగణమన అనే టైటిల్ తో ఆల్‌రెడీ మలయాళంలో ఓ సినిమా స్టార్ట్‌ అయ్యి విడుదలకు సిద్ధంగా ఉంది. అదే విధంగా తమిళంలో జయం రవి జన గణ మన అనే సినిమా చేస్తున్నారు. ఈ క్రమంలోనే అదే పేరుతో పూరి జగన్నాథ్ పాన్ ఇండియా సినిమా చేయాలని భావించారు. అయితే ప్రస్తుతం ఈ సినిమా టైటిల్ కు అసలు సమస్య వచ్చింది.
షార్ట్ ఫామ్ టైటిల్ …
ఇలాంటి సమయంలో పూరి జగన్నాథ్ టైటిల్ మార్చాలని భావించారు. అయితే టైటిల్ మార్చకుండా పూరీ జగన్నాథ్ టైటిల్ సమస్యలకు సరికొత్త పరిష్కారాన్ని ఆలోచించారు.ఈ సినిమాకి టైటిల్ మార్చకుండా అదే టైటిల్ పెట్టకుండా సింపుల్ గా పూరి జగన్నాథ్ జనగణమన అంటే జేజీఎం అని షార్ట్ ఫామ్ టైటిల్ పెట్టి బ్యాక్ గ్రౌండ్ లో జన గణ మన అని వాయిస్‌ పెట్టేశాడు. దీంతో టైటిల్ మార్చినా.. కొత్త టైటిల్ లానే ఉంది. భవిష్యత్తులో ఏ సినిమాకైనా ఇలాంటి టైటిల్ సమస్య వస్తే ఈ ఐడియా ఫాలో కావచ్చని పూరి నిరూపించారు.