Puri Jagannadh: పూరి చిరు కాంబోలో ఆటో జానీ లేనట్టేనా.. కొత్త కథను సిద్ధం చేస్తున్న పూరీ జగన్నాథ్?

Puri Jagannadh:మెగాస్టార్ చిరంజీవి ఎంట్రీ తర్వాత ఒక పవర్ ఫుల్ కథతో ప్రేక్షకుల ముందుకు రావాలని అన్ని ఏర్పాటు చేశారు. ఈ క్రమంలోనే పూరి జగన్నాథ్ దర్శకత్వంలో మెగాస్టార్ చిరంజీవి హీరోగా ఆటో జానీ సినిమాని ప్రేక్షకుల ముందుకు తీసుకురావడానికి అన్ని ఏర్పాట్లు చేశారు. అయితే ఆటో జానీ కథ విన్నటువంటి మెగాస్టార్ చిరంజీవి కథలో చిన్న మార్పులు చెప్పి తనని కలవమని చెప్పారు.

ఈ క్రమంలోనే పూరి జగన్నాథ్ కథలో మార్పులు చేసి మెగాస్టార్ చిరంజీవిని కలవలేదు. తద్వారా ఆటో జానీ సినిమా పక్కకు తప్పుకోవడంతో ఖైదీ నెంబర్ 150 సినిమా ద్వారా ప్రేక్షకుల ముందుకు వచ్చారు. అయితే తాజాగా మెగాస్టార్ చిరంజీవి నటించిన గాడ్ ఫాదర్ సినిమాతో మంచి విజయం అందుకున్న చిరంజీవి ఇంస్టాగ్రామ్ ద్వారా పూరి జగన్నాథ్ తో లైవ్ ముచ్చటించారు.

ఈ క్రమంలోనే చిరంజీవి పూరి జగన్నాథ్ ను ప్రశ్నిస్తూ ఆటో జానీ కథ ఏమైందని ప్రశ్నించగా ఆ సినిమా ఎప్పుడో అటకెక్కింది. మీకోసం ఓ మంచి కథను సిద్ధం చేస్తున్నాను అన్నయ్య అంటూ పూరి జగన్నాథ్ చెప్పడం విశేషం. నేను కూడా నీకోసం ఎదురు చూస్తున్నాను అంటూ మెగాస్టార్ రిప్లై ఇచ్చారు. మరి నిజంగానే పూరి జగన్నాథ్ చిరంజీవి కోసం మంచి కథ సిద్ధం చేసే పనిలో ఉన్నారా అనే విషయంపై అభిమానులు ఆసక్తి కనపరుస్తున్నారు.

Puri Jagannadh:మరోసారి ఆచార్య ప్రస్తావన తీసుకువచ్చిన చిరు..

ఇకపోతే వీరి కెరియర్లో ఫ్లాప్ సినిమాల గురించి కూడా మాట్లాడారు తనకు ఏదైనా ఫ్లాప్ సినిమా వస్తే వేరే ప్రాంతానికి వెళ్లి కాస్త రిలాక్స్ అయ్యి తదుపరి సినిమాలో బిజీ అవుతానని మెగాస్టార్ చిరంజీవి చెప్పగా పూరి జగన్నాథ్ మాత్రం తనకు ఫ్లాప్ సినిమా కనుక వస్తే ఇంకాస్త దూకుడుతో కొత్త సినిమా ప్లాన్ చేస్తానని పూరి ఈ సందర్భంగా తెలియజేశారు. ఈ క్రమంలోనే వీరిద్దరి మధ్య జరిగిన ఈ సంభాషణలకు సంబంధించిన కామెంట్స్ సోషల్ మీడియాలో వైరల్ అవుతున్నాయి.