Rakesh master 3rd wife Lakshami : ఎంతో పేరు ప్రఖ్యాతలు తన ప్రతిభతో సంపాదించి తన టాలెంట్ ఏంటో ప్రపంచానికి పరిచయం చేసిన రాకేష్ మాస్టర్ జీవితం అందరికీ ఒక గుణపాఠమనే చెప్పాలి. చేతిలో రూపాయి లేకుండా కేవలం తన టాలెంట్ ను నమ్ముకుని ఇండస్ట్రీకి వచ్చిన రాకేష్ మాస్టర్ తన డాన్స్ తో అద్భుతాలనే చేసాడు. తాను ఎదగడమే కాకుండా ఎంతో మంది శిష్యులను తయారు చేసి నేడు ఇండస్ట్రీలో తెలుగు డాన్స్ మాస్టర్స్ మొత్తం ఇండియన్ ఫిల్మ్ ఇండస్ట్రీలో సత్తా చాటేలా చేసాడు. అలాంటి రాకేష్ మాస్టర్ తన తుది దశలో కేవలం మద్యానికి బానిస అవ్వడం వల్ల తన జీవితం నాశనం చేసుకున్నాడు.

రాకేష్ మాస్టర్ చనిపోక ముందు జరిగింది ఇదే…

రాకేష్ మాస్టర్ గత రెండేళ్లుగా మద్యానికి బానిసగా మారిపోయి నాశనం అయిపోయారు. వంట చేయడానికి అని వచ్చిన మనిషితో సహజీవనం అంటూ యూట్యూబ్ లో వీడియోలను చేసుకుంటూ చివరికి ఆమెతో గొడవ పడి ఆమె కొట్టాడం వల్ల తట్టుకోలేక మానసిక క్షోభ అనుభవించారని ఆయన సన్నిహితులే చెబుతారు. ఇక ఆ మూడో భార్యగా చెప్పబడే లక్ష్మి రాకేష్ మాస్టర్ చివరి చూపుకు రాలేదు.

అయితే పలు ఇంటర్వ్యూలలో పాల్గొంటూ రాకేష్ మాస్టర్ గురించి మాట్లాడుతోంది. రాకేష్ మాస్టర్ కి తనంటే ఎంతో ఇష్టమని, తను మరణిస్తే శవం దగ్గర నువ్వే కూర్చొని ఏడ్వాలి అంటూ చెప్పారని అయితే ఆయన చనిపోయినపుడు నాకు ఆరోగ్యం బాగోలేక రాలేదని చెప్పారు. ఆయన భార్య పిల్లలకు భయపడతారని, నేను ఉన్నన్ని రోజులు బాగా చూసుకున్నానని చెప్పారు. చివరి రోజుల్లో వేరే వాళ్ళతో ఫోన్ చేయించి మాట్లాడారని చెప్పారు. బాగా తాగించి ఆయనను చంపేశారని చెప్పారు లక్ష్మి. తాగి బాగా తిట్టేవాడు, నన్ను హింసించాడు. కానీ ఏ రోజు నేను విడిచి వెళ్లాలని అనుకోలేదు, చాలా మంచి వాడు. కానీ చుట్టూ ఉన్న వాళ్ళు మమల్ని విడదీశారు అంటూ ఎమోషనల్ అయ్యారు.