Rakesh Master: ఆ చెట్టు కిందనే అంత్యక్రియలు …. ముందుగానే చెప్పిన రాకేష్ మాస్టర్!

Rakesh Master: టాలీవుడ్ ఇండస్ట్రీలో మరో విషాదం చోటుచేసుకుంది. కొరియోగ్రాఫర్ చైతన్య మాస్టర్ మరణ వార్త మర్చిపోకముందే మరొక సీనియర్ కొరియోగ్రాఫర్ రాకేష్ మాస్టర్ మరణించడం ఇండస్ట్రీని తీవ్ర దిగ్భ్రాంతికి గురిచేస్తుంది. రాకేష్ మాస్టర్ అనారోగ్య సమస్యలతో బాధపడుతూ ఆదివారం సాయంత్రం గాంధీ ఆసుపత్రిలో మరణించారు.

ఈయన వడదెబ్బ కారణంగా తీవ్రమైన విరోచనాలతో బాధపడుతూ గాంధీ ఆసుపత్రిలో చేరారు. అయితే గాంధీ ఆసుపత్రిలో చికిత్స పొందుతూ ఈయన మరణించారు.ఈ విధంగా రాకేష్ మాస్టర్ మరణించడంతో ఎంతో మంది సినీ సెలబ్రిటీలు తన శిష్యులు ఇతర కొరియోగ్రాఫర్లు రాకేష్ మాస్టర్ మరణానికి సానుభూతి తెలియజేస్తూ ఆయన ఆత్మకు శాంతి కలగాలని కోరుకుంటున్నారు.

ఇకపోతే రాకేష్ మాస్టర్ గత కొంతకాలంగా పెద్ద ఎత్తున యూట్యూబ్ ఛానల్ ఇంటర్వ్యూలలో పాల్గొంటూ ఎన్నో విషయాలను అభిమానులతో పంచుకున్నారు. ఈ క్రమంలోనే రాకేష్ మాస్టర్ తాను చనిపోయిన తర్వాత అంత్యక్రియలు ఎక్కడ నిర్వహించాలి అనే విషయాలను కూడా తెలియజేశారు. ప్రస్తుతం అందుకు సంబంధించిన వీడియో సోషల్ మీడియాలో వైరల్ గా మారింది.

Rakesh Master: వేప చెట్టు కిందనే సమాధి..

తనకు చెట్లు అంటే చాలా ఇష్టమని రాకేష్ మాస్టర్ ఈ వీడియోలో తెలియచేశారు. అందుకే తాను చనిపోయిన తర్వాత తనని ఒక వేప చెట్టు కింద సమాధి చేయాలి అంటూ తెలిపారు. తన మామయ్య (భార్య తండ్రి)సమాధి పక్కన ఒక వేప చెట్టు నాటాను తనని కూడా ఆ వేప చెట్టు కిందనే సమాధి చేయాలి అంటూ అలాగే తన అంత్యక్రియలు తన స్నేహితులందరూ కూడా పాల్గొనాలని కొందరి పేర్లను ఈయన సూచించారు.తన అంత్యక్రియల గురించి ముందుగానే రాకేష్ మాస్టర్ చెబుతూ చేస్తున్నటువంటి ఈ కామెంట్స్ ప్రస్తుతం వైరల్ అవుతున్నాయి.