రామ్ చరణ్ అభిమానుల రచ్చ రచ్చ.. బారికేడ్స్ ను కూడా లెక్కచేయకుండా..!

ఎస్ఎస్ రాజమౌళి దర్శకత్వంలో RRR మూవీ తెరకెక్కుతున్న విషయం తెలిసిందే. ఇప్పటికే షూటింగ్ మొత్తం పూర్తి చేసుకున్న ఈ చిత్రం విడుదలకు సిద్ధంగా ఉంది. జనవరి 7న ప్రపంచవ్యాప్తంగా విడుదల కానుంది.

ఈ సినిమా మొత్తం 5 భాషల్లో విడుదల చేస్తుండగా.. మరో 5 భాషల్లో డబ్ అయింది. మొత్తంగా ఈ సినిమా 10 భాషల్లో విడుదల కానుంది. ఇక ఈ సినిమాకు సంబంధించి ప్రీ రిలీజ్ ఈవెంట్లు జరుగుతున్నాయి. తాజాగా ముంబైలో ఈ సినిమా ప్రీ రిలీజ్ ఈవెంట్ జరిగింది.

ఈ కార్యక్రమంలో రాజమౌళితో పాటు ప్రధాన నటులు రామ్ చరణ్ , జూనియర్ ఎన్టీఆర్, సినిమాలో అతిధి పాత్రలో నటించిన అలియా భట్, అతిథిగా ఆహ్వానించబడిన సల్మాన్ ఖాన్ , ఈవెంట్‌ను హోస్ట్ చేసిన కరణ్ జోహార్ ఉన్నారు. ఇక తమ ఫ్యాన్స్ కోసం రామ్ చరణ్ వేదికగా ఉత్సాహాన్ని రెట్టింపుచేసే విధంగా మాట్లాడారు. రామ్ చరణ్ అభిమానులు తమ నటుడిని చూడాలని భారీ ఎత్తున ఈ కార్యక్రమానికి వచ్చారు.
అక్కడ ఉన్న బారికేడ్స్ ను తెంచుకొని మరీ లోపలకు రావడానికి ప్రయత్నించారు.

అయితే అక్కడ ఉన్న సిబ్బందికి వాళ్లను అదుపుచేసే విధంగా ప్రయత్నించారు. కానీ ఆ సెక్యూరిటీ సిబ్బంది వల్ల కాలేదు. ఇలా ఈ ప్రీ రిలీజ్ ఈవెంట్ వద్ద అభిమానులు పెద్ద ఎత్తున సందడి చేశారు. ఈ క్రేజ్‌తో బాలీవుడ్ నటులు ఎక్కువగా ఉండే ముంబై ప్రేక్షకులు తెలుగు సూపర్‌స్టార్‌లను బాగా ఆదరిస్తారని నిరూపించారు.