Ram Charan: ఆ సినిమా ఫ్లాప్ తర్వాత చరణ్ తన సినీ కెరియర్ ముగిసిపోయిందని అనుకున్నారట…!

Ram Charan: మెగా వారసుడిగా చిరుత సినిమాతో ఇండస్ట్రీ లోకి అడుగుపెట్టిన రామ్ చరణ్ మొదటి సినిమాతోనే చిరుత వేగంతో ఇండస్ట్రీలోకి దూసుకు వచ్చాడు. ఇలా మొదటి సినిమా మంచి విజయం కావడంతో ఆ తర్వాత దర్శక ధీరుడు ఎస్ ఎస్ రాజమౌళి దర్శకత్వంలో మగధీర సినిమా ద్వారా బాక్సాఫీస్ వద్ద రికార్డులు సృష్టించి కెరియర్ మొదట్లోనే ఎంతో మంచి విజయాన్ని అందుకున్నారు.

ఇలా మొదటి రెండు సినిమాలతోనే ఎంతో మంచి గుర్తింపు సంపాదించుకున్న రామ్ చరణ్ కి ఇండస్ట్రీలో తిరుగుండదని భావించారు.ఈ క్రమంలోనే రామ్. చరణ్ తన తరువాత చిత్రాన్ని బొమ్మరిల్లు భాస్కర్ దర్శకత్వంలో మెగా బ్రదర్ నాగబాబు నిర్మాణంలో ఆరెంజ్ సినిమాలో నటించారు.

మగధీర వంటి బ్లాక్ బస్టర్ సినిమా తర్వాత ఈ సినిమా రావడంతో ఈ సినిమాపై ప్రేక్షకులు ఎన్నో అంచనాలు పెట్టుకున్నారు. ఈ క్రమంలోనే ఎన్నో అంచనాల నడుమ విడుదలైన ఈ సినిమా బాక్సాఫీస్ వద్ద డిజాస్టర్ గా నిలిచిపోయింది. కేవలం ఒక వారంలోపే థియేటర్ల నుంచి ఈ సినిమాను తొలగించాల్సిన పరిస్థితి ఏర్పడింది. ఇలా ఉన్నఫలంగా తన కెరీర్లో పెద్ద డిజాస్టర్ రావడంతో చరణ్ ఎంతో డిస్టర్బ్ అయ్యారని ఈ ఇంటర్వ్యూలో తెలియజేశారు.

జీవితంలో ఆ సంఘటనకు మర్చిపోలేను…

ఈ విధంగా ఈ సినిమా ఫ్లాప్ అవడంతో నిర్మాతలు డిస్ట్రిబ్యూటర్లకు కష్టాలు వచ్చాయని అయితే ఈ సినిమా తరువాత తనతో సినిమాలు చేయడానికి ఎవరూ కూడా ముందుకు రాకపోవడంతో తన కెరీర్ ముగిసిపోయిందని రామ్ చరణ్ భావించినట్లు తెలిపారు. ఇలా సినిమా అవకాశాలు రాని సమయంలో తన దగ్గరకు నాతో సినిమా చేయడానికి చౌదరి ముందుకు వచ్చారని నా జీవితంలో ఈ సంఘటన ఎప్పటికీ మర్చిపోలేని రామ్ చరణ్ ఈ ఇంటర్వ్యూ సందర్భంగా తెలియజేశారు.