Jr.NTR: ఎన్టీఆర్ తలుచుకుంటే రాత్రికి రాత్రి టిడిపి సమాధి.. వర్మ షాకింగ్ కామెంట్స్?

Jr.NTR: టాలీవుడ్ ఇండస్ట్రీలో స్టార్ దర్శకుడిగా ఎంతో పేరు ప్రఖ్యాతలు సంపాదించుకున్నటువంటి వారిలో డైరెక్టర్ రామ్ గోపాల్ వర్మ ఒకరు. ఈయన ఒకానొక సమయంలో ఎన్నో అద్భుతమైన సినిమాలను ప్రేక్షకుల ముందుకు తీసుకువస్తూ దర్శకుడిగా గుర్తింపు పొందారు. అయితే ఇటీవల కాలంలో వర్మ ఎక్కువగా బయోపిక్ సినిమాల వెంట పడుతున్నారు. దీనితో ఈయన సినిమాలన్నీ పెద్ద ఎత్తున వివాదాలను ఎదుర్కొంటున్న సంగతి మనకు తెలిసిందే

ఇకపోతే త్వరలోనే వ్యూహం సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. త్వరలోనే ఏపీలో ఎన్నికలు జరగబోతున్నాయి. ఈ క్రమంలోనే ఎన్నికల వేడిని పెంచడానికి ఈయన వ్యూహం సినిమాని చేసి దానిని ఎన్నికల ముందు ప్రేక్షకుల ముందుకు తీసుకురావడానికి సిద్ధమయ్యారు. ఈ సినిమా త్వరలోనే విడుదల కాబోతున్నటువంటి తరుణంలో ప్రమోషన్ కార్యక్రమాలను కూడా వేగవంతం చేశారు.

ఈ ప్రమోషన్లలో భాగంగా జూనియర్ ఎన్టీఆర్ గురించి తెలుగుదేశం పార్టీ గురించి ఈయనకు ప్రశ్నలు ఎదురయ్యాయి. ఈ ప్రశ్నకు ఎన్టీఆర్ సమాధానం చెబుతూ జూనియర్ ఎన్టీఆర్ కి ఇష్టం లేక రాజకీయాలకు దూరంగా ఉన్నారా లేక టిడిపి పార్టీ తనని దూరం పెట్టిందనే విషయం తనకు తెలియదని తెలిపారు. కానీ జూనియర్ ఎన్టీఆర్ కి సీనియర్ ఎన్టీఆర్ కు ఉన్నంత క్రేజ్ ఉందని తెలిపారు.

భయపడుతున్నారా..

జూనియర్ ఎన్టీఆర్ కనుక తాను రాజకీయాల్లోకి వస్తున్నానని ఒక్క మాట చెబితే రాత్రికి రాత్రి తెలుగుదేశం పార్టీ సమాధి అవుతుందని లోకేష్ చంద్రబాబు నాయుడు వంటి వారందరూ కూడా ఫినిష్ అవుతారని వర్మ తెలిపారు. ఆ భయం వారిలో ఉందని, అందుకే తెలుగుదేశం పార్టీ ఎన్టీఆర్ పట్ల ద్వేషం పెంచుకొని తనని దూరం పెడుతున్నారు అంటూ వర్మ చేసిన ఈ కామెంట్స్ వైరల్ అవుతున్నాయి.