Ramcharan: పుట్టబోయే బిడ్డ కోసం సినిమాలకు బ్రేక్ ఇచ్చిన చరణ్… అప్పటివరకు నో షూటింగ్స్!

Ramcharan: మెగా పవర్ స్టార్ రామ్ చరణ్ ప్రస్తుతం శంకర్ దర్శకత్వంలో పాన్ ఇండియా స్థాయిలో ప్రేక్షకుల ముందుకు రాబోతున్నటువంటి గేమ్ చేంజర్ అనే సినిమా షూటింగ్ పనులలో బిజీగా ఉన్నారు. అయితే గత నెల రోజులుగా ఈయన ఈ సినిమా షూటింగ్ కి బ్రేక్ ఇచ్చారనే విషయం మనకు తెలిసిందే. ఇలా నెల రోజులుగా ఈ సినిమా షూటింగ్ కు బ్రేక్ ఇవ్వడమే కాకుండా మరో రెండు నెలల పాటు ఈ బ్రేక్ కంటిన్యూ చేయబోతున్నారని సమాచారం.

ఇలా రాంచరణ్ సినిమా షూటింగులకు ఇంత గ్యాప్ ఇవ్వడానికి కారణం లేకపోలేదు దాదాపు పది సంవత్సరాల తర్వాత రాంచరణ్ తండ్రి కాబోతున్నారు ఈ క్రమంలోనే ఈయన సినిమా షూటింగుకు బ్రేక్ ఇచ్చారని తెలుస్తోంది. ఉపాసన ప్రస్తుతం ఎనిమిది నెలల గర్భిణీ అనే విషయం మనకు తెలిసిందే. ఈమె జులై మొదటి వారంలో బిడ్డకు జన్మనివ్వబోతున్నారు. ఇలా బిడ్డ పుట్టే సమయంలో తాను షూటింగ్లో ఉండకూడదని రామ్ చరణ్ నిర్ణయం తీసుకున్నారట.

ఈ సమయంలో తన భార్యకు తోడుగా ఉండడం కోసం ఇప్పటికే నెల రోజుల నుంచి ఇంట్లోనే ఉంటున్నటువంటి రామ్ చరణ్ పుట్టబోయే బిడ్డ కోసం మరో రెండు నెలల పాటు షూటింగ్ వాయిదా వేసుకున్నట్లు తెలుస్తోంది. తనకు బిడ్డ పుట్టిన తర్వాత తన విలువైన సమయాన్ని తన భార్య బిడ్డలకు కేటాయించాలని నిర్ణయం తీసుకున్నారు అందుకే ఆగస్టు వరకు ఎలాంటి షూటింగ్ లలో ఈయన పాల్గొనబోరని అప్పటివరకు షూటింగ్ కి బ్రేక్ ఇచ్చారని తెలుస్తుంది.

Ram Charan బిడ్డ కోసం ఎదురుచూపు..

దాదాపు పెళ్లి జరిగే 10 సంవత్సరాలకు రాంచరణ్ ఉపాసన దంపతులు తల్లిదండ్రులు కాబోతున్న నేపథ్యంలో అభిమానులు కూడా మెగా వారసుడి రాక కోసం ఎదురుచూస్తున్నారు. ఈ క్రమంలోనే చరణ్ సైతం తన పుట్టబోయే బిడ్డ కోసం చాలా ఆత్రుతగా ఎదురు చూస్తున్నారని అందుకే ఈయన సినిమాలకు కూడా బ్రేక్ ఇచ్చి తన భార్యకు తోడుగా ఉంటున్నారని తెలుస్తోంది.